រាជធានីភ្នំពេញ ៖ បុរស៣នាក់ ជាមិត្តភក្តិនឹងគ្នា ម្នាក់ជាមន្ត្រីយោធា ម្នាក់ជាមន្ត្រីនគរបាលជាតិ និងម្នាក់ទៀតជាអ្នកលក់បបរមាន់នៅផ្សារកំពង់ស្ពឺ កាលពីវេលាម៉ោង២រំលងអធ្រាត្រឈានចូលថ្ងៃទី២៩ កក្កដា ត្រូវសមត្ថកិច្ចកងរាជអាវុធហត្ថខណ្ឌទួលគោក ចាប់បញ្ជូនទៅកាន់ទីបញ្ជាការកងរាជអាវុធហត្ថរាជធានី ភ្នំពេញ ខណៈដែលពួកគេបង្កឱ្យមានការផ្ទុះអាវុធ១គ្រាប់ពេលសប្បាយ ចិត្តចេញពីច្រៀងខារ៉ាអូខេ ។
ជនដៃដល់ទី១-ឈ្មោះតូច ស៊ីផាន ភេទប្រុស អាយុ៣២ឆ្នាំ ជាមន្ត្រីយោធា ទី២-ឈ្មោះសោម ហុង ហៅម៉ាប់ ភេទប្រុស អាយុ៣៧ឆ្នាំ ជាមន្ត្រីនគរបាល និង៣-ឈ្មោះតន់ មុនី ភេទប្រុស អាយុ៣២ឆ្នាំ ជាអ្នកលក់បបរមាន់ នៅផ្សារកំពង់ស្ពឺ ។ ទាក់ទិននឹងការឃាត់ខ្លួនបុរសទាំង៣នាក់នោះ ត្រូវបានលោកវរសេនីយ៍ឯកពូ ដាវី មេបញ្ជាការរងទទួលបន្ទុកជាប្រធានមន្ទីរព័ត៌មាន និងសន្តិសុខ កងរាជអាវុធហត្ថរាជធានីភ្នំពេញ បានឱ្យដឹងថា វេលារំលងអធ្រាតឈានចូលថ្ងៃទី២៩ កក្កដា មានករណីផ្ទុះអាវុធ១គ្រាប់ នៅជិតអង់តែនទូរទស្សន៍ទួលគោក ។
ករណីផ្ទុះអាវុធនោះ បង្កឡើងដោយជនទាំង៣នាក់ខាងលើ ហើយត្រូវបានកម្លាំងល្បាត២៤ម៉ោង របស់កងរាជអាវុធហត្ថខណ្ឌទួលគោកឃាត់ខ្លួនភ្លាម ៗដកហូតបានអាវុធខ្លីម៉ាកឡុកអូទ្រីស១ដើម និងម៉ូតូណៃហត១គ្រឿង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
