រាជធានីភ្នំពេញ ៖ មេសន្តិសុខឯកជនយីហោស៊ីភីអេសម្នាក់យាមរោងចក្រកាត់ដេរមួយ កន្លែង ត្រូវបានប្រធានរដ្ឋបាលរោងចក្រចាប់ខ្លួនប្រគល់ឱ្យប៉ូលិស ចាត់ការតាមច្បាប់ បន្ទាប់ពីជននោះដាក់ថ្នាំសណ្តំនៅក្នុងទឹកក្រឡុក និងស្រាបៀរឱ្យកូនចៅរបស់ខ្លួនផឹក រហូតដល់សន្លប់បាត់ស្មារតីអស់ គេក៏បានឃុបឃិតជាមួយក្រុមចោរចូលធ្វើសកម្មភាពលួចខោនៅក្នុង រោងចក្របានជិត៧រយខោ ហើយត្រូវប្រធានរដ្ឋបាលសង្ស័យ ក៏ឃាត់ខ្លួនប្រគល់ឱ្យប៉ូលិសសាកសួរ ទើបជននោះសារភាពតាមត្រង់ ។
ហេតុការណ៍នេះកើតឡើងកាលពីវេលាម៉ោង៧យប់ថ្ងៃទី ២៧ កក្កដា ២០១២ ក្នុងរោងចក្រ កាត់ដេរយីហោអីុធើហូបវែលមានទីតាំងស្ថិតនៅក្នុងភូមិកប់គង សង្កាត់ចោមចៅ ខណ្ឌពោធិ៍សែនជ័យ ។ ជនសង្ស័យឈ្មោះភួង សារ៉ាន់ អាយុ២៧ឆ្នាំ ជាប្រធានសន្តិសុខឯកជនស៊ីភីអេស ប្រចាំរោងចក្រនោះ ស្នាក់នៅផ្ទះជួលកើតហេតុខាងលើ ដោយឡែកអ្នកចេញមុខប្តឹងនោះឈ្មោះផុន សវត្ថា ភេទប្រុស អាយុ៣៥ឆ្នាំ ជាប្រធានរដ្ឋបាលរោងចក្រនោះមានទីលំនៅក្នុងសង្កាត់មិត្តភាព ខណ្ឌ៧មករា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
