សារព័ត៌មានបរទេសផ្សាយថា នាងសឺលីន ឆូប្រា តារាសិចសីុក្នុងមជ្ឈដ្ឋានបូលីវូដរបស់ឥណ្ឌា បានក្លាយជាតារាដំបូងរបស់ឥណ្ឌា ដែលថតរូបអាសអាភាសក្នុងទំព័រទស្សនាវដ្តី«ប្លេប៊យ» ។ មុននេះនាងសូប្រា បានបង្ហើបឱ្យដឹងថា នាងសម្រេចចិត្តថតរូបអាសអាភាសផ្សាយក្នុងទស្សនាវដ្តី«ប្លេប៊យ» ព្រោះចង់ធ្វើជាតារាបង្ហាញម៉ូដក្នុងទស្សនាវដ្តី ។
នាងបានសរសេរសារលិខិតដល់ទស្សនាវដ្តី«ប្លេប៊យ»ថា «ខ្ញុំត្រូវការធ្វើជាតារាបង្ហាញម៉ូដ និងទទួលបានការព្រមព្រៀងក្នុងរយៈពេលប៉ុន្មានថ្ងៃបន្ទាប់ នេះជារឿងមួយគួរឱ្យមានមោទនភាពសម្រាប់ខ្ញុំ និងជនជាតិឥណ្ឌាដំបូងនៅក្នុងទស្សនាវដ្តីប្លេប៊យ និងជាជោគជ័យដែលគ្មាននរណាម្នាក់ដណ្តើមបាន ។ ទោះជាយ៉ាងណាក៏ដោយ ខ្ញុំមិនបានប្រាប់រឿងនេះដល់ម្តាយឡើយ »។
មានការព្រមាន និងវាយប្រហារនាងសឺលីន យ៉ាងខ្លាំងថា នាងជាតារាប្រវត្តិសាស្ត្ររបស់បូលីវូដ ធាតុពិតគ្រាន់តែជាតារាទី៣ និងធ្លាប់ចូលរួមសម្តែងក្នុងខ្សែភាពយន្តតែប៉ុន្មានរឿងប៉ុណ្ណោះ ។ នាងធ្វើបែបនោះនាំឱ្យមានបម្រែបម្រួលក្នុងលក្ខណៈជាអវិជ្ជមានដ៏ធំដល់សង្គម ជាពិសេសបញ្ហាឧក្រិដ្ឋកម្មផ្លូវភេទ ដែលបច្ចុប្បន្នប្រទេសត្រូវប្រឈមមុខនឹងបញ្ហានេះធ្ងន់ ។
នៅក្នុងរបាយការណ៍ផ្សេងទៀតបញ្ជាក់ថា បច្ចុប្បន្នស្ត្រីឥណ្ឌានៅទូទាំងប្រទេសក្លាយជាជនរងគ្រោះនៃការល្មើស និងជាន់ឈ្លីផ្នែកភេទ ហើយរូបស្រាតអាសអាភាសរបស់នាងសឺលីន នឹងបំផ្លិចបំផ្លាញកិត្តិយសរបស់ស្ត្រីឥណ្ឌាទាំងស្រុង៕
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]