រាជធានីភ្នំពេញ ៖ រថយន្តកូរ៉េ១,៥តោនដឹកការ៉ុងខោអាវសំពីងសំពោងដល់ផ្លូវងងឹតមើលមិនឃើញបើកទៅកៀរដំបូលរទេះលក់គុយទាវដែលឈប់នៅស្ងៀម បណ្តាលឱ្យកំពប់ទឹកស៊ុប និងរបស់របរនៅលើរទេះខ្ចាត់ខ្ចាយពេញថ្នល់ ។ ហេតុការណ៍នេះកើតឡើងកាលពីវេលាម៉ោង៨និង២០នាទីយប់ថ្ងៃទី២៨ កក្កដា តាមបណ្តោយផ្លូវលេខ២៥៣កែងផ្លូវលេខ១៨២ ស្ថិតក្នុងសង្កាត់ទឹកល្អក់២ ខណ្ឌទួលគោក ។
បើតាមម្ចាស់រទេះលក់គុយទាវឈ្មោះហួរ វណ្ណៈ ភេទប្រុស អាយុ៣៨ឆ្នាំ ស្នាក់នៅផ្ទះជួលសង្កាត់បឹងសាឡាង ខណ្ឌទួលគោក បានឱ្យដឹងថា មុនពេលកើតហេតុគាត់បានចតរទេះនៅចិញ្ចើមផ្លូវរង់ចាំកូនចៅរបស់គាត់ដើរគោះឫស្សីហៅម៉ូយ ពេលកំពុងតែឈប់ស្រាប់តែមានរថយន្តកូរ៉េដឹកខោអាវមកដល់បើកកៀររទេះរបស់គាត់ធ្វើឱ្យទ្រេតដំបូល និងខូចខាតរបស់របរនៅលើរទេះអស់ជាច្រើន តែសំណាងល្អមិនមានរងរបួសទេ ដោយសារគាត់បានដើរចេញពីរទេះ ។
ក្រោយពេលកើតហេតុម្ចាស់រទេះលក់គុយទាវបានទាមទារសំណងចំនួន២៥០ដុល្លារ តែខាងម្ចាស់រថយន្តសងតែ៧០ដុល្លារ ម្ចាស់រទេះមិនព្រមត្រូវសមត្ថកិច្ចបញ្ជូនទៅអធិការដ្ឋានខណ្ឌទួលគោក ដើម្បីដោះស្រាយបន្តទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]