ខេត្តកណ្តាល ៖ ស្ត្រីចំណាស់ជនជាតិវៀតណាម ម្នាក់បានចាញ់បោកប្រុសស្នេហ៍ហេងស៊យ បង់ខ្លួនប្រាណ ហើយត្រូវវណ្ឌ.កទៀត ដោយប្រុសស្នេហ៍លួងលោមនាំទៅទិញម៉ូតូដើរតួជាប្តី ពេលដែលតថ្លៃត្រូវរ៉ូវគ្នាហើយត្រូវប្តីហេងស៊យសុំជិះសាកមិនទាន់ឱ្យលុយក៏ទៅបាត់រហូតទុកឱ្យស្ត្រីខាងលើវណ្ឌ.កតែម្នាក់ឯង គឺត្រូវម្ចាស់ម៉ូតូប្តឹងនគរបាលក្រុងតាខ្មៅ ឱ្យចាប់ខ្លួនពីបទឆបោកកាលពីវេលាម៉ោង១និង៣០នាទីរសៀលថ្ងៃទី១៦ កុម្ភៈ នៅភូមិតាខ្មៅ សង្កាត់តាខ្មៅ ក្រុងតាខ្មៅ ។
លោកកេត វ៉ាន់ថា នាយផ្នែកព្រហ្មទណ្ឌនៃអធិការដ្ឋាននគរបាលក្រុងតាខ្មៅ បានឱ្យដឹងថា ស្ត្រីដែលវណ្ឌ.កចាញ់បោកប្រុសស្នេហ៍ហេងស៊យនោះឈ្មោះឡាំ ធីណារី អាយុ៥០ឆ្នាំ ជនជាតិវៀតណាម មុខរបរលក់កាហ្វេនៅខណ្ឌចំការមន។ ចំណែកដើមបណ្តឹងឈ្មោះយី ឡុង ភេទប្រុស អាយុ៥២ឆ្នាំ មានទីលំនៅភូមិតាខ្មៅ សង្កាត់តាខ្មៅ ក្រុងតាខ្មៅ ជាអ្នកលក់ម៉ូតូ ។ នៅថ្ងៃកើតហេតុបុរសចំណាស់ម្នាក់ និងស្ត្រីម្នាក់ឈ្មោះឡាំ ធីណារី បានជិះម៉ូតូឌុបជាមួយគ្នាមកសួរទិញម៉ូតូម៉ាកហុងដា C125 ស៊េរីឆ្នាំ២០០៣ ពណ៌ខ្មៅ ពី ឈ្មោះយី ឡុង ក៏ត្រូវរ៉ូវគ្នាក្នុងតម្លៃ៥៥០ដុល្លារ ។ បុរសម្នាក់នោះក៏សុំជិះសាក ឯអ្នកលក់គិតថា ប្រពន្ធនៅទីនេះក៏យល់ព្រមឱ្យជិះសាក ស្រាប់តែបាត់រហូតមិនឃើញត្រឡប់មកវិញ ក៏ប្តឹងសមត្ថកិច្ចតែម្តង ។
នៅចំពោះមុខសមត្ថកិច្ចស្ត្រីឈ្មោះឡាំ ធីណារី បានឆ្លើយសារភាពថា ខ្លួន និងបុរសដែលជិះម៉ូតូទៅបាត់នោះ ទើបតែស្គាល់គ្នាមួយរយៈពេលខ្លីមិនស្គាល់ឈ្មោះទេ ។ នៅថ្ងៃទី១៥ កុម្ភៈ បុរសនោះបានលួងលោមសុំស្រឡាញ់ខ្លួន ហើយក៏យល់ព្រមនាំគ្នាទៅដេកផ្ទះសំណាក់មួយក្នុងរាជធានីភ្នំពេញ ដោយបុរសនោះសន្យាថា ស្រឡាញ់យកជាប្រពន្ធរហូត ។ ក្រោយពីដេកជាមួយគ្នានៅផ្ទះសំណាក់មួយយប់ លុះព្រឹកឡើងប្រុសម្នាក់នោះបានបង្ហាញលុយ ហើយប្រាប់ថា យកទៅទិញម៉ូតូឱ្យ។ ស្ត្រីនោះរៀបរាប់ទៀតថា បន្ទាប់មកបុរសនោះក៏បបួលខ្លួនមកក្រុងតាខ្មៅ ដើម្បីទិញម៉ូតូមួយគ្រឿង និងបានប្រាប់ទៀតថា ពេលទៅដល់កន្លែងទិញម៉ូតូប្រាប់អ្នកលក់ថា យើងទាំងពីរនាក់ជាប្តីប្រពន្ធនឹងគ្នា ។ ពេលតថ្លៃម៉ូតូត្រូវគ្នាក្នុងតម្លៃ៥៥០ដុល្លារ បុរសនោះក៏សុំជិះម៉ូតូសាកស្រាប់តែទៅបាត់រហូត ។
បច្ចុប្បន្នស្ត្រីឈ្មោះឡាំ ធីណារី ត្រូវបាននគរបាលកសាងសំណុំរឿង បញ្ជូនទៅកាន់សាលាដំបូងខេត្តកណ្តាល ដើម្បីចាត់ការតាមច្បាប់៕
ផ្តល់សិទ្ធដោយ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]