ទីបំផុតទៅ ក្រុមហ៊ុនស្មាតហ្វូនលំដាប់លេខបីពិភពលោក បានប្រកាសជាផ្លូវការ ពីតម្លៃរបស់ P8 និង P8lite ពណ៌មាស ដែលជា ស្មាតហ្វូន Flagship ប្រចាំឆ្នាំ 2015 របស់ខ្លួនហើយ។ តម្លៃជាផ្លូវការរបស់ P8 ពណ៌មាសគឺ $529 ចំណែក P8lite ពណ៌មាសគឺ $239 ដែលជាតម្លៃមួយទាប ជាងតម្លៃនៅទីផ្សារ ទីក្រុងហុងកុង និងទីក្រុងបាងកកប្រមាណ $50។
បើតាមគេហទំព័រហ្វេកប៊ុក Huawei Device Cambodia ស្មាតហ្វូន P8 ពណ៌មាស របស់ក្រុមហ៊ុន Huawei ដែលមានកល្ខណៈស្រដៀង គ្នាទៅនឹង P8 ពណ៌ផ្សេងៗ ប៉ុន្តែមានទំហំ CPU ធំ 2.2GHz ទំហំ RAM 3GB និង ROM 64GB ចំណែក P8 lite ពណ៌មាស មិនមានអ្វីខុសគ្នាពី P8 lite ពណ៌ដទៃនោះទេ គ្រាន់តែពណ៌មាសនេះ មើលទៅហាក់ដូចជា កាលីបជាងពណ៌ផ្សេងៗ បន្តិច។
លោក ល៉ីវ ស៊ីយ៉ាង ហៅ ជេ សុន នាយកផ្នែកលក់ស្មាតហ្វូន Huawei ប្រចាំប្រទេស កម្ពុជាបាន ឲ្យដឹងថា P8 និង P8lite ពណ៌មាសទាំងពីរ ស៊េរី គឺជាស្មាតហ្វូន Flagship របស់ក្រុមហ៊ុន Huawei ក្នុងឆ្នាំ 2015 នេះ។ ហើយការចេញលក់ស្មាតហ្វូនពណ៌មាស ទាំងពីរស៊េរីនេះ គឺអមជាមួយនឹង ប្រូម៉ូសិនពិសេស។ លោក ជេ សុន បញ្ជាក់ថា សម្រាប់រាល់ការជាវ P8 ពណ៌មាសមួយគ្រឿង ក្រុមហ៊ុន Huawei នឹងផ្ដល់ជូនស្រោម ទូរស័ព្ទអរីជីណល ឧបករណ៍បំពងសម្លេងឥតខ្សែស៊េរីថ្មី និង Free ស៊ីម Smart លេខល្អ ទឹកប្រាក់ $5 ក្នុងប្រព័ន្ធម្ដង និង $10 ក្រៅប្រព័ន្ធ ព្រមទាំងអ៊ីនធើណេត 4GB ជារៀង រាល់ ខែចំនួន 12 ខែ។ ចំណែក P8lite ពណ៌មាសអតិថិជន ទទួលបានប្រូម៉ូសិន ដូចគ្នា គ្រាន់តែដក ឧបករណ៍បំពង សម្លេងឥតខ្សែចេញ។
សម្រាប់ P8 ពណ៌មាសនេះ អតិថិជននឹងទទួលបានការជួសជុល VIP ដូចគ្នា ទៅនឹង P8 ពណ៌ដទៃដែរ។ ការជួសជុល VIP ដែលផ្ដល់ការជួសជុល ឲ្យអតិថិជនឲ្យហើយ ត្រឹមតែរយៈពេល មួយម៉ោង និងប្ដូរម៉ាស៊ីនថ្មីជូនអតិថិជនវិញ ក្នុងករណីទិញក្រោម មួយសប្ដាហ៍ ហើយមានបញ្ហាមិន អាចជុសជួលបាន។
គួរបញ្ជាក់ថា ស្របពេលដែល P8 និង P8 lite ដែលមានលេខ 8 ជាលេខ ហុងស៊ុយ ជាគោលនេះ កំពុងតែទាក់ទាញ ប្រជាប្រិយភាពពីអ្នក ប្រើប្រាស់ ស្រាប់តែមានក្រុមហ៊ុន ទូរស័ព្ទមួយទៀតកូពី លេខ 8 ដែលជាលេខហុងស៊ុយនេះ ទៅធ្វើជាម៉ូដែល របស់ទូរស័ព្ទដែលជិត ចេញលក់របស់ខ្លួនភ្លាម ដែរតែម្ដង។
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
