រាជធានីភ្នំពេញ ៖ យុវជនម្នាក់ត្រូវបានគេប្រទះឃើញដេកស្លាប់នៅលើកំណាត់ផ្លូវ ជាតិលេខ៣ ដោយធ្លាយពោះវៀនចេញមកក្រៅដែលសមត្ថកិច្ចបានអះអាងថា ត្រូវរថយន្តមិនស្គាល់ម៉ាកបើកបុក និងកិន បន្ទាប់មករថយន្តបង្កនោះបើករត់គេចបាត់ស្រមោល កាលពីវេលាម៉ោង៤និង១០នាទីទៀបភ្លឺថ្ងៃទី២៧ កក្កដា ២០១២ នៅលើកំណាត់ផ្លូវជាតិលេខ៣ ត្រង់ចំណុចភូមិអង្គត្រគៀត សង្កាត់កន្ទោក ខណ្ឌពោធិ៍សែនជ័យ ។
សពយុវជនរងគ្រោះមិនត្រូវបានគេស្គាល់អត្ត សញ្ញាណនោះទេ អាយុប្រហែលជាង២០ឆ្នាំ ពាក់អាវដៃវែង ពណ៌សឆ្នូតខ្មៅ ស្លៀកខោលីអូអត់មានខោជើងវែងនោះទេ ហើយស្លាប់ដោយសារថយន្តបុក និងកិនធ្លាយពោះវៀន និងបាក់ជើងទៀតផង ។ ដោយឡែករថយន្តដែលបុក និងកិននោះមិនត្រូវបានគេស្គាល់ម៉ាកនោះឡើយ តែគេសង្ស័យថា ជារថយន្តធុនធំដឹកទំនិញ ឬដឹកដី ។
តាមប្រភពព័ត៌មានឱ្យដឹងថា មុនពេលមានការភ្ញាក់ផ្អើលមិនមាននរណាម្នាក់បានប្រទះឃើញយុវជន នោះត្រូវរថយន្តបុកដោយរបៀបណានោះទេ ប៉ុន្តែតាមការសន្និដ្ឋាន គឺអាចត្រូវរថយន្តបុក ខណៈពេលដែលរូបគេកំពុងដើរ ឬ រត់ហាត់ប្រាណតាមផ្លូវនោះ ។ លុះក្រោយពេលកើតហេតុទើបត្រូវកម្លាំងប៉ូលិសដើរល្បាតទប់ស្កាត់ បទល្មើសប្រទះឃើញដេកស្លាប់នៅក្នុងថ្លុកឈាម ដោយមានស្ថានភាពធ្លាយពោះវៀនចេញ មកក្រៅ និងឃើញមានស្នាមដានកង់រថយន្តធុនធំកិនពីលើទៀតផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
