ខេត្តកំពង់ធំ ៖ នគរបាលក្រុងស្ទឹងសែនបានឃាត់ខ្លួនបុរសម្នាក់ កាលពីវេលាមោ៉ោង១រសៀល ថ្ងៃទី២២ កក្កដា បន្ទាប់ពីជននេះបានធ្វើសកម្មភាពវាយតប់បង្ករបួសស្នាមលើអ្នកដទៃ នៅភូមិស្រយូវជើង សង្កាត់ស្រយូវ ក្រុងស្ទឹងសែន ។ បុរសរូបនេះឈ្មោះ ព្រំ សារ៉ាត់ អាយុ៣១ឆ្នាំ មានទីលំនៅក្នុងភូមិខាងលើ ត្រូវបានឃាត់ខ្លួនពីបទហិង្សាដោយចេតនា ទៅលើឈ្មោះ ហេង សាវុធ អាយុ២១ឆ្នាំ មានទីលំនៅក្នុងភូមិ-ឃុំជាមួយគ្នា ។
មន្ត្រីនគរបាលឱ្យដឹងថា មុនពេលកើតហេតុជនដៃដល់និងជនរងគ្រោះបានផឹកស៊ីជាមួយគ្នារហូត ស្រវឹងក៏ហៅគ្នាអាមឹងទៅវិញទៅមកនិងកើតរឿងវាយតប់គ្នាបង្កឱ្យ មានរបួសស្នាម ។ ជាមួយការឃាត់ខ្លួនជនខាងលើនេះប្រភពព័ត៌មានពីអ្នកភូមិស្រយូវ ជើងបានឱ្យដឹងថា ជនឈ្មោះ ព្រំ សារ៉ាត់ តែងតែបង្ករឿងវាយតប់គ្នាជាញឹកញាប់ក្នុងពេលមានកម្មវិធីក្នុង ភូមិ ។ ចំណែកតាមការបញ្ជាក់ពីអ្នកជិតស្និទ្ធថា ឈ្មោះ សារ៉ាត់ មានប្រពន្ធនៅខេត្តបាត់ដំបង ប៉ុន្តែដោយសារមានរឿងក៏រត់ទៅលាក់ខ្លួននៅខេត្តកំពង់ស្ពឺ និងយកប្រពន្ធនៅខេត្តកំពង់ស្ពឺម្នាក់ទៀត ។ ក្រោយមកក៏មានរឿងទៀត ទើបរត់មកនៅខេត្តកំពង់ធំ ហើយមានរឿងទៀត ។
ជាមួយចំណាត់ការរបស់សមត្ថកិច្ច ប្រជាពលរដ្ឋក្នុងភូមិ បានសម្តែងក្តីត្រេកអរយ៉ាងខ្លាំង ព្រោះកន្លងមកជនម្នាក់នេះ និងបក្សពួកមិនដែលខ្លាចរអែងនរណាទេ និងបង្កជារឿងមិនឈប់ ឈរ ។ នៅរសៀលថ្ងៃទី២៣ កក្កដា ជនទំនើងម្នាក់នេះត្រូវបានបញ្ជូនទៅសាលាដំបូងខេត្ត ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
