រាជធានីភ្នំពេញ ៖ ជនសង្ស័យឆក់ម្នាក់ក្នុងចំណោមបក្សពួក២នាក់ត្រូវប្រជាពលរដ្ឋនាំគ្នាចាប់ខ្លួនកាលពីវេលាម៉ោង៥ល្ងាចថ្ងៃទី១៦ កុម្ភៈ នៅតាមផ្លូវលេខ២៧១ សង្កាត់បឹងសាឡាង ខណ្ឌទួលគោក បន្ទាប់ពីជិះម៉ូតូម៉ាកឆាលី ពណ៌ទឹកប៊ិច មួយគ្រឿងធ្វើសកម្មភាពឆក់កាបូបពីស្ត្រីជានិស្សិតម្នាក់ដែលកំពុងជិះកង់តាមដងផ្លូវបានសម្រេច ហើយជិះម៉ូតូគេចខ្លួនជួបគ្រោះថ្នាក់ចរាចរណ៍ ។ បន្ទាប់ពីចាប់ខ្លួន កាបូបត្រូវសមត្ថកិច្ចដកហូត ហើយប្រគល់ឱ្យម្ចាស់ដើមវិញ ដែលក្នុងកាបូបមានប្រាក់ចំនួន២០ដុល្លារ លុយខ្មែរ២មឺុនរៀល សៀវភៅ៥ក្បាល និងចិញ្ជៀន១វង ។
ជនសង្ស័យដែលត្រូវចាប់ខ្លួនឈ្មោះយឹម សាល ភេទប្រុស អាយុ១៦ឆ្នាំ ជាសិស្សមានទីលំនៅផ្ទះជួលសង្កាត់ស្ទឹងមានជ័យ ។ តាមនគរបាលប៉ុស្តិ៍បឹងសាឡាងបានឱ្យដឹងថា ជនសង្ស័យមានបក្សពួកចំនួន២នាក់ ជិះម៉ូតូឆាលីមួយគ្រឿងធ្វើសកម្មភាពឆក់កាបូបពីស្ត្រីឈ្មោះឃួន គីមទាវ អាយុ១៩ឆ្នាំ ជានិស្សិតសាកលវិទ្យាល័យធនធានមនុស្ស មានទីលំនៅផ្ទះជួល ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។ ពេលឆក់បានសម្រេចហើយ ពួកគេក៏ជិះម៉ូតូគេចខ្លួន ប៉ុន្តែទាក់ដៃចង្កូតម៉ូតូកង់បី បណ្តាលឱ្យដួលប្រកាច់ប្រកិន ហើយត្រូវប្រជាពលរដ្ឋធ្វើដំណើរតាមផ្លូវនាំគ្នាចាប់បានម្នាក់ រត់រួចម្នាក់យកទៅប្រគល់ឱ្យប៉ូលិស ៕
ផ្តល់សិទ្ធដោយ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]