រាជធានីភ្នំពេញ ៖ បុរសជាជាងជួសជុល ទូរសទ័ព្ទដៃម្នាក់ត្រូវបានឪពុក-ម្តាយ របស់ក្មេងស្រីរងគ្រោះ ចាប់ឃាត់ខ្លួនយកមកប្រគល់ឱ្យ កម្លាំងនគរបាលប៉ុស្តិ៍ទន្លេបាសាក់ ក្រោយពីបុរសរូបនោះ បានលួងលោមកូនស្រី របស់ពួកគាត់ដែលមានអាយុ ទើបតែ១៤ឆ្នាំយកទៅរំលោភ សេពសន្ថវៈបានសម្រេច ចំនួន១លើក នៅក្នុងផ្ទះជួលរបស់គេ និងធ្វើការចរចាគ្នា មិនត្រូវនោះ ។
បុរសសង្ស័យ ខាងលើត្រូវបានឪពុក-ម្តាយ របស់ក្មេងស្រីរងគ្រោះឃាត់ខ្លួនយក មកប្រគល់ឱ្យកម្លាំងនគរបាលប៉ុស្តិ៍ទន្លេបាសាក់កាល ពីវេលាម៉ោង៤ល្ងាច ថ្ងៃទី២ ខែសីហា ឆ្នាំ២០១៥ ។
តាមប្រភពព័ត៌មានពី មន្ត្រីនគរបាលម្នាក់បាន ប្រាប់ឱ្យដឹងថា បុរសរូបនេះមានឈ្មោះ ញឹម សុខរ័ត្ន អាយុ៣៥ឆ្នាំ មានមុខរបរជា ជាងជួសជុលទូរស័ព្ទដៃ ស្នាក់នៅផ្ទះជួលលេខL5 ផ្លូវព្រះនរោត្តម ម្តុំផ្សាររន្ទះបាញ់ ក្រុម៥៩ ភូមិ១០ ក្នុងសង្កាត់ទន្លេបាសាក់ ខណ្ឌចំការមន ត្រូវបានឪពុក-ម្តាយរបស់ ក្មេងស្រីរងគ្រោះម្នាក់ ចោទថា បានលួងលោមកូនស្រីរបស់គាត់យក ទៅរំលោភបានសម្រេច បានចំនួន១លើក និងធ្វើការចរចាពី ប្រាក់សំណងជម្ងឺចិត្ត មិនត្រូវ ក៏ចាប់ឃាត់ខ្លួនយកមក ប្រគល់ឱ្យប៉ូលិសតែម្តង ។
រីឯក្មេងស្រីរងគ្រោះ មានឈ្មោះ អ.ដ.វ អាយុ១៤ឆ្នាំ ជាសិស្សរៀន ថ្នាក់ទី៧ សាលា ជា ស៊ីម បឹងកេងកង សព្វថ្ងៃស្នាក់នៅផ្ទះជួលក្នុង សង្កាត់បឹងកេងកងទី១ ជាមួយឪពុក-ម្តាយ និងមានទីលំនៅក្នុង សង្កាត់ព្រែកថ្មី ខណ្ឌច្បារអំពៅ បានត្រូវបុរសសង្ស័យខាងលើ លួងលោមយកទៅរំលោភក្នុង បន្ទប់ផ្ទះជួលរបស់ខ្លួនបាន សម្រេចចំនួន១លើកកាលពី វេលាម៉ោង៣ និង៣០នាទីរសៀល ថ្ងៃទី១ ខែសីហា ឆ្នាំ២០១៥ កន្លងមកនេះ ។
នៅចំពោះមុខសមត្ថកិច្ច ជនសង្ស័យបានសារភាពថា « រូបគេពិតជាបានរំលោភ ទៅលើក្មេងស្រីរងគ្រោះ បានសម្រេចចំនួន១ លើកមែន» ។ ជនសង្ស័យត្រូវបាន សមត្ថកិច្ចនគរបាលធ្វើការសាកសួរ និងធ្វើកំណត់ហេតុបញ្ជូនខ្លួនទៅកាន់ អធិការដ្ឋាននគរបាលខណ្ឌចំការមន ដើម្បីចាត់ការទៅតាម ផ្លូវច្បាប់ជាបន្តទៅទៀត ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]