អគ្គិភ័យ កំពុង ឆាបឆេះកុដិ ក្នុងវត្ដ ស្ទឹងមានជ័យ

ភ្នំពេញ ៖ អគ្គិភ័យ នៅវេលាម៉ោង៣និង៣០នាទី រសៀលថ្ងៃទី២៦ ខែកក្កដា ឆ្នាំ២០១២នេះ បាននិងកំពុងឆាបឆេះ កុដិ ព្រះសង្ឃ នៅក្នុងវត្ដ ស្ទឹងមានជ័យ ខណ្ឌមានជ័យ ដោយពុំទាន់ ដឹងមូលហេតុពិតប្រាកដ នៅឡើយ ទេ ។

ប្រធានការិយាល័យពន្លត់ និងបង្ការអគ្គិភ័យរាជធានីភ្នំពេញ លោក នេត វន្ថា បានបញ្ជាក់តាមទូរស័ព្ទមុននេះ បន្ដិចថា ពិតជាមានករណី អគ្គិភ័យឆាបឆេះកុដិព្រះសង្ឃ នៅក្នុងវត្ដស្ទឹងមានជ័យមែន ហើយកម្លាំងសមត្ថកិច្ច របស់លោក បាននិងកំពុងបញ្ជូន រថយន្ដពន្លត់អគ្គិភ័យ ទៅជួយអន្ដរាគមន៍។

យោងតាម សមត្ថកិច្ចពីកន្លែងកើតហតុ បានឲ្យដឹងថា អគ្គិភ័យមានទាន់ ខ្លាំងនៅឡើយទេ គ្រាន់តែមាន ផ្សែងខ្មៅ បានភាយចេញពីក្នុងកុដិ ។ យ៉ាងណាក៏ដោយ សមត្ថកិច្ច និងអាជ្ញាធរមូលដ្ឋាន បាននិងកំពុងជួយ អន្តរគមន៍ តាមរយៈ ការបាញ់ទឹក ពន្លត់ពីខាងក្រៅ៕

ដោយ ៖ ស៊ន សុភក្ដ្រ

ផ្តល់សិទ្ធដោយ ដើមអម្ពិល