ខេត្តបន្ទាយមានជ័យ ៖ បុរសម្នាក់បានស្លាក់ក្នុង ថ្លុកឈាមនៅលើដងផ្លូវជាតិលេខ៥ នៅភូមិបាលិលេយ្យ២ សង្កាត់-ក្រុងប៉ោយប៉ែត ដោយសារគ្រោះថ្នាក់ ចរាចរណ៍មួយដែលមិនទាន់ដឹង មូលហេតុច្បាស់លាស់នៅឡើយ ដោយអ្នកខ្លះថាត្រូវរថយន្តបុក ឯសមត្ថកិច្ចសង្ស័យ ជនរងគ្រោះដួលម៉ូតូខ្លួនឯង ដែលហេតុការណ៍ ដ៏រន្ធត់នេះបានកើត ឡើង កាលពីវេលាម៉ោងជាង ៦ព្រលប់ ថ្ងៃទី១ សីហា ២០១៥ ។
ជនរងគ្រោះឈ្មោះ ម៉ៅ ហេង អាយុ៣០ឆ្នាំ ជាកម្មករចេញចូល រកស៊ីផ្សាររុងក្លឿ ស្រុកអារញ្ញ ខេត្តស្រះកែវ ប្រទេសថៃ ស្នាក់នៅភូមិសាមគ្គីមានជ័យ សង្កាត់ប៉ោយប៉ែត ។ នៅកន្លែងកើតហេតុគេ ឃើញជនរងគ្រោះរបួស ក្បាលធ្ងន់ធ្ងរដេកស្លាប់ ក្នុងថ្លុកឈាមក្បែរម៉ូតូម៉ាកអ៊ែរប្លែត ពណ៌ឈាមជ្រូក គ្មានស្លាកលេខ១គ្រឿង ។
ប្រភពនៅកន្លែងកើតហេតុបាន រាយការណ៍ប្រាប់សមត្ថកិច្ចថា មុនពេលកើតហេតុ គេឃើញជនរងគ្រោះជិះម៉ូតូខាងលើមកពីទិសខាងកើត លុះដល់ចំណុចកើតហេតុ ក៏មានរថយន្ត១គ្រឿងម៉ាកធុនត្រា (Tundra) ពណ៌ខ្មៅ១គ្រឿង បើកបរស្របទិស គ្នាមកពីក្រោយ លុះរថយន្តនោះបើកហួសផុតទៅ ស្រាប់តែឃើញម៉ូតូជនរងគ្រោះដួល ហើយបោកក្បាលនឹងដងផ្លូវរបួសធ្ងន់ស្លាប់ក្នុងថ្លុកឈាមតែម្ដង ។ ទោះជាយ៉ាងណា ម៉ូតូរបស់ជនរងគ្រោះគេមិនឃើញមានស្នាម បុកពីក្រោយ ឬពីចំហៀងសោះឡើយ ។
សពជនរងគ្រោះត្រូវបានក្រុមគ្រួសារ និងសាច់ញាតិនាំយកទៅ តម្កល់នៅវត្តឃោស្ថារាម ហៅវត្តត្រាច ដើម្បីធ្វើបុណ្យតាមប្រពៃណី ។ ចំណែកម៉ូតូរងគ្រោះត្រូវបាននគរបាល នាំយកទៅរក្សាទុក នៅអធិការដ្ឋាន នគរបាលក្រុងប៉ោយប៉ែត ។
ជុំវិញបញ្ហាខាងលើលោក សៅ សារឿន នាយផ្នែកនគរបាលចរាចរណ៍ សណ្ដាប់ធ្នាប់សាធារណៈក្រុង បានប្រាប់« កោះសន្តិភាព» ថា ចំពោះរថយន្តធុនត្រា របស់បុរសម្នាក់ ពាក់ស្លាកលេខភ្នំពេញ 2W-2227 ដែលរងការចោទ ប្រកាន់ថា មានពាក់ព័ន្ធនឹងការ ស្លាប់របស់ជនរងគ្រោះនោះ ត្រូវបានម្ចាស់រថយន្ត ចេញមុខបដិសេធថា ជារឿងមិនពិត ហើយក៏ព្រមឲ្យសមត្ថកិច្ច ធ្វើការពិនិត្យរថយន្ត របស់ខ្លួនផងដែរ ដែលការត្រួតពិនិត្យ រថយន្តភ្លាមៗដល់ផ្ទះម្ចាស់រថយន្តនោះ គ្មានឃើញស្លាកស្នាម ប៉ះទង្គិចលើរថយន្តនោះឡើយ ។
សមត្ថកិច្ចដាក់ការសង្ស័យថា គ្រោះថ្នាក់ចរាចរណ៍ខាងលើ សង្ស័យជនរងគ្រោះជិះម៉ូតូ ដួលបោកក្បាស្លាប់ដោយខ្លួនឯង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
