ចិន៖ យោធាចិន រហូតដល់ទៅ ៨៨នាក់ បានប្រារព្ធពិធីមង្គលការ របស់ពួកគេ ក្នុងថ្ងៃតែមួយ កាលពីថ្ងៃសុក្រ ទី៣១ ខែកក្កដា ម្សិលមិញនេះ នៅក្នុងទីក្រុង Dongguan ខេត្តក្វាងទុង នៃប្រទេសចិន។
តាមប្រភពព័ត៌មាន បានឲ្យដឹងថា ការប្រារព្ធពិធី អាពាហ៍ពិពាហ៍ របស់នាយទាហាន ដ៏ច្រើនគូបែបនេះ គឺដើម្បី អបអរខួប លើកទី៨៨ នៃការបង្កើតនូវ កងយោធារំដោះប្រជាជនចិន ដែលហៅកាត់ថា (PLA) ដែលនឹងធ្វើឡើង ក្នុងថ្ងៃទី១ ខែសីហា នេះ។
ប្រភពដដែល បានឲ្យដឹងថា នាយទាហាន ទាំង៨៨នាក់ ដែលទើបនឹង រៀបការនេះ ភាគច្រើន ជានាយទាហាន មានមុខងារ ជាយោធាឈរជើង ប្រចាំការ តាមតំបន់ព្រំដែន និងលើកោះ ដែលពួកគេ មិនមានឱកាស ដើម្បីប្រារព្ធ ពិធីមង្គលការ ទើបនាយទាហាន ទាំង ៨៨គូនេះ ត្រូវបានសម្រេចឲ្យ រៀបការ ក្នុងថ្ងៃតែមួយ តែម្តង និង ដើម្បីអបអរ ខួបទី ៨៨ឆ្នាំ នៃទិវាកងយោធាចិន ផងដែរ ។
ក្នុងនោះដែរ គូស្នេហ៍ទាំង ៨៨ គូនេះ ក៏បានទៅចុះបញ្ជី អាពាហ៍ពិពាហ៍ រួមគ្នា ដោយគូស្នេហ៍និមួយៗ ថែមទាំងមាន បិទលេខសំគាល់លើដៃ តាមលេខរៀង មួយគូៗ ផងដែរ ៕
ទិដ្ឋភាពក្នុងថ្ងៃរៀបការ របស់នាយទាហាន ទាំង ៨៨គូ នៅប្រទេសចិន 
ការចុះបញ្ជីអាពាហ៍ពិពាហ៍ និង ស្បថសច្ចារួមគ្នា ទាំង ៨៨គូ
ប្រភព បរទេស
ដោយ៖ ទីន
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
