តាអាយុ ៨២ឆ្នាំ ប្រឆាំងជាមួយនឹងចោរលួចឥវ៉ាន់នៅក្នុងផ្ទះ

មុខមាត់ហើម ឈាម និងមានស្នាមកាំបិតនេះ គឺជាមុខមាត់របស់ បុរសចំណាស់ម្នាក់ដែល មានអាយុ៨២ឆ្នាំ ដែលមានភាពក្លាហាន ក្នុងការតបតជាមួយនឹង ចោរលួចក្នុងផ្ទះ។

បុរសនេះត្រូវបានគេ ស្គាល់ឈ្មោះថា Joseph Carter ត្រូវបានគេវាយ និងចាក់ នៅត្រង់ក្បាលនិងខ្លួនរបស់គាត់ នៅពេលដែលគាត់កំពុងតែប្រឈមមុខ នឹងចោរ ដែលចូលលួចឥវ៉ាន់នៅក្នុងផ្ទះរបស់គាត់ ដែលមានតម្លៃ ៤០០,០០០ ផោន។ ពួកចោរទាំងនេះបាន ព្យាយាមវាយ និងសង្កត់បុរសជាម្ចាស់ផ្ទះនេះ ដល់ដីនិងបានប្រើប្រាស់កាំបិត ផ្ទះបាយចាក់គាត់ជាច្រើនដង។​ តាមសម្ដីរបស់ប៉ូលីស បានបញ្ជាក់ថា Joseph Carter ជាមនុស្សម្នាក់ដែលរស់នៅ តែឯងជាមួយនឹងប្អូនស្រី ហើយគាត់ក៏មិនដែល រៀបការដែរ។ ប៉ូលីសបានបន្ដថា ពួកគេនឹងខិតខំព្យាយាមស្វែងរក ចាប់ចោរនោះមកដាក់ទោសឲ្យបានភ្លាមៗ ព្រោះករណីនេះនឹងអាចមាន ទៀតប្រសិនជាចោរនេះនៅក្រៅឃុំ។

សូមប្រិយមិត្ដមើលរូបភាពទាំងអស់គ្នា៖  

កែសម្រួលដោយ ម៉ា

ខ្មែរឡូត