ខេត្តសៀមរាប ៖ អាជ្ញាធរក្រុងសៀមរាប កាលពីព្រឹកថ្ងៃទី៣០ កក្កដា នេះ បានសម្រេចបញ្ឈប់អាជីវកម្ម «បាអាកាស» ឬហៅថា «ស្កាយបា» ស្ថិតនៅលើដំបូលអគារភាពយន្ត ប្រើប្រព័ន្ធបច្ចេកវិទ្យាទំនើប ឬហៅថា (3D) ដែលមានយីហោ «ផ្លាទីនៀមសៀមរាប» បន្ទាប់ពីពិនិត្យឃើញអាជីវកម្មទាំងអស់ នៅក្នុងអគារដ៏ធំនោះ ពុំមានច្បាប់អនុញ្ញាត ។
សូមបញ្ជាក់ថា រោងភាពយន្តផ្លាទីនៀមសៀមរាប ដែលត្រៀមបង្កប់អាជីវកម្ម ស្កាយបានៅលើដំបូលនោះ មានទីតាំងនៅតាមបណ្តោយវិថីស៊ីវុត្ថា ជាប់នឹងរង្វង់មូលផ្សារចាស់ ក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប ដែលជាដីអតីតមន្ទីរសង្គមកិច្ចខេត្ត។
អភិបាលក្រុងសៀមរាប លោកសូ ប្លាតុង កាលពីព្រឹកថ្ងៃទី៣០ កក្កដា ២០១៥ នេះ បានដឹកនាំមន្ត្រីចម្រុះ រួមមានមន្ទីរបរិស្ថាន, មន្ទីរទេសចរណ៍, មន្ទីរវប្បធម៌ និងវិចិត្រសិល្បៈ ចុះត្រួតពិនិត្យអាជីវកម្ម ក្នុងអគារភាពយន្តផ្លាទីនៀមខាងលើបានថ្លែងថា នៅថ្ងៃនេះយើងបានបញ្ឈប់ ទាំងស្រុងនៅគម្រោងអាជីវកម្ម ដែលមានលក្ខណៈ ជាស្កាយបា(បាអាកាស) ដែលកំពុងរៀបចំ នៅលើដំបូលអគារ រោងភាពយន្តផ្លាទីនៀមសៀមរាប និងតម្រូវឱ្យរុះរើចេញរាល់ សំណង់សង់បន្ថែម រួមមានគ្រោងដែក ដំបូលចេញផងដែរ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
