ខេត្តកំពង់ឆ្នាំង ៖ បុរសម្នាក់ដោយសារតែភាពក្រីក្រ និងតូចចិត្តខ្ចីលុយម្តាយ មិនបានផងនោះ បានសម្រេចចិត្តចង.កសម្លាប់ខ្លួនចោលប្រពន្ឋកូន ឱ្យបន្តរស់ទាំងលំបាក ។ ហេតុការណ៍នេះបានកើតឡើងនៅចន្លោះម៉ោង១២ទៅម៉ោង២រំលងអធ្រាត្រឈានចូលថ្ងៃទី៣០ កក្កដា ២០១៥ នៅចំណុចក្រោយទ្រុងក្រពើ ស្ថិតក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ។
សមត្ថកិច្ចនគរបាល សង្កាត់ផ្សារឆ្នាំងបាននិយាយថា បុរសចង.កសម្លាប់ខ្លួននោះ មានឈ្មោះ ឡុក ចាន់ អាយុ៣១ឆ្នាំ មានប្រពន្ឋឈ្មោះអៀត ចាន់ណា អាយុ២៧ឆ្នាំ មានកូន៣នាក់ (ស្រី២)។ ប្រភពដដែលបានបន្តថា គ្រួសារខាងលើនេះក្រីក្រណាស់ គ្មានផ្ទះសម្បែងទេ មកសុំផ្ទះម្តាយស្នាក់នៅ ។
មុនពេលកើតហេតុ បុរសរូបនោះបានខ្ចីលុយម្តាយ ទៅទិញកាណូតបាឡាស្មាច់ តែម្តាយថា គ្មានទេ លុះដល់ល្ងាចថ្ងៃទី២៩ កក្កដា បុរសរូបនោះបានត្រឡប់ពីផឹកស្រាវិញ បានមកដេកជាមួយ ប្រពន្ធកូនជាធម្មតា នៅខាងមុខផ្ទះម្តាយឱ្យស្នាក់នៅ ប៉ុន្តែនៅម៉ោងប្រមាណ ជិត២រំលងអាធ្រាត ពេលប្រពន្ធងើបបត់ជើង ស្រាប់តែបាត់ប្តីមិនឃើញ ពេលនោះប្រពន្ធបានបើកទ្វារផ្ទះឡើង ស្រាប់តែឃើញប្តី របស់ខ្លួនបានចង.កសម្លាប់ខ្លួនស្លាប់បាត់ទៅហើយ ។
ភ្លាមនោះប្រពន្ធ បានប្រាប់អ្នកជិតខាង និងបានបន្តប្រាប់ដល់ សមត្ថកិច្ចនគរបាល ចុះមកព័ទ្ធខ្យែការពារ កន្លែងកើតហេតុរហូតដល់ ព្រឹកថ្ងៃទី៣០ កក្កដា ទើបសមត្ថកិច្ចនគរបាលពិនិត្យ និងធ្វើកោសល្យវិច្ច័យ សពបុរសរូបនោះ ។ក្រោយពីពិនិត្យសពរួច សមត្ថកិច្ចសន្និដ្ឋានថា បុរសខាងលើពិតជា បានចង.កសម្លាប់ខ្លួនពិតមែន ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
