រាជធានីភ្នំពេញ ៖ បន្ទាប់ពីកើតមានព្រះអគ្គីឆេះផ្សារទួលសង្កែយ៉ាងសន្ធោសន្ធៅ កាលពីល្ងាចថ្ងៃទី២៣ កក្កដា មក នៅព្រឹកថ្ងៃទី២៤ កក្កដា សាលាសង្កាត់ទួលសង្កែ បានចុះស្រង់ស្ថិតិបន្តពីទំហំនៃការខូចខាត និងនាំយកអំណោយសង្គ្រោះបន្ទាន់ទៅចែកជូនដល់ជនរងគ្រោះចំនួន ៩៦គ្រួសារជាជំហានដំបូង ។
ទន្ទឹមការចុះស្រង់ស្ថិតិនាព្រឹកនោះដែរនៅ បរិវេណកន្លែងកើតមានអគ្គិភ័យនោះប្រជាពលរដ្ឋដែលធ្វើដំណើរទៅ ផ្សារបាននាំគ្នាចោមរោមមើល និងសួរសុខទុក្ខគ្នាទៅវិញទៅមក ហើយខ្លះទៀតបាននាំគ្នារើកកាយយកដែក ឬរបស់របរមានតម្លៃដែលអាចលក់បាន ។ អ្វីដែលធ្វើឱ្យមានការចាប់អារម្មណ៍នោះ គឺប្រជាពលរដ្ឋមួយចំនួនបាននាំគ្នាកកាយរកមាសនៅចំណុចតូប លក់គ្រឿងអលង្ការដែលត្រូវភ្លើងឆេះ និងខ្លះទៀតបានការពារតូប និងផ្ទះរបស់ខ្លួនដែលឆេះ។ ចំណែកមន្ត្រីអាជ្ញាធរបានខិតខំធ្វើយ៉ាងណាស្រង់ឈ្មោះអ្នករង គ្រោះ និងដោះស្រាយអ្វីដែលជនរងគ្រោះត្រូវការចំពោះមុខ ។
ទោះបីជាយ៉ាងណា គេពុំទាន់ដឹងពីមូលហេតុពិតប្រាកដនៃការកើតមានអគ្គិភ័យនេះ នៅឡើយតែប្រជាពលរដ្ឋភាគច្រើនអះអាងថា ភ្លើងបានឆេះចេញពីផ្ទះលេខ៥៣ ក្រុមទី១ ផ្លូវលេខ៩០១ ភូមិទួលសង្កែ ដែលមានម្ចាស់ឈ្មោះ ទា វណ្ណរ៉ា ភេទប្រុស អាយុ៤២ឆ្នាំ តែបានជួលឱ្យគេលក់អីវ៉ាន់គ្រឿងទេស ។ ឯបុរសឈ្មោះ ទា វណ្ណរ៉ា បានដាក់ពាក្យបណ្តឹងទៅសាលាសង្កាត់ ប្តឹងពីឈ្មោះចាន់ សារ៉ន ភេទប្រុស អាយុប្រមាណ៤០ឆ្នាំជាគ្រូពេទ្យ មានលំនៅផ្ទះលេខ១៥ ក្រុមទី១ ផ្លូវលេខ៩០០ ដោយចោទប្រកាន់ថា ជាអ្នកដើមហេតុបង្កឱ្យកើតមានអគ្គិភ័យនេះ ។ នៅក្នុងពាក្យបណ្តឹងនោះក៏បានទាមទារសំណងពីការខូចខាតចំនួន ៨ម៉ឺនដុល្លារ និងជំងឺចិត្ត៣ម៉ឺនដុល្លារផងដែរ ។
ទាក់ទិននឹងការចោទប្រកាន់ក្នុងពាក្យបណ្តឹង នេះ គេពុំដឹងថា ចាន់ សារ៉ាន មានប្រតិកម្មយ៉ាងណានោះទេ ហើយប៉ូលិសកំពុងធ្វើការស្រាវជ្រាវចំពោះការកើតមានអគ្គិភ័យ នេះ ។ នៅព្រឹកថ្ងៃទី២៤ កក្កដា នោះមន្ត្រីសាលាសង្កាត់ទួលសង្កែបាននាំយកអំណោយសង្គ្រោះបន្ទាន់ ទៅចែកជូនប្រជាពលរដ្ឋចំនួន៩៨គ្រួសារជាជំហានដំបូង ហើយនៅវេលាល្ងាចនឹងបន្តចែកទៀត ពិធីនេះបានរៀបចំធ្វើនៅក្នុងសាលាសង្កាត់ទួលសង្កែតែម្តង ។ អំណោយដែលនាំយកទៅចែកជូនក្នុងឱកាសនោះក្នុង១គ្រួសារៗមាន មុង១ តង់១ កន្ទេល ធុងទឹក១ ទឹកត្រី១យួរ ទឹកស៊ីអីុវ១យួរ អង្ករ១បាវ និងថវិកា៥មឺុនរៀល ។ អំណោយទាំងនេះជាការបរិច្ចាគផ្ទាល់ខ្លួនរបស់លោក សយ កុសល ចៅសង្កាត់ទួលសង្កែ រួមជាមួយសប្បុរជនមួយចំនួនទៀត ។
លោក សយ កុសល បានឱ្យដឹងថា បន្ទាប់ពីកើតមានអគ្គិភ័យអាជ្ញាធរមូលដ្ឋានរួមទាំងសមត្ថកិច្ច ចម្រុះ បានចុះទៅជួយអន្តរាគមន៍ខិតខំជួយពន្លត់ភ្លើងដោយមានរថយន្ត ពន្លត់អគ្គិភ័យជាច្រើនគ្រឿងរួមជាមួយរថយន្តមកពីខេត្តកណ្តាល ផងទើបជួយទប់ស្កាត់បាន ។ ពិតណាស់អំណោយទាំងនេះមិនអាចសងនូវអ្វីដែលបងប្អូនរងគ្រោះ ឡើយ តែវាអាចជួយសម្រួលដល់បងប្អូនបានមួយគ្រាដែលកំពុងតែជួបការ លំបាក ។ លោកចៅសង្កាត់បានបន្តទៀតថា លំនៅឋានចំនួន៥៧ខ្នងរួមទាំងតូបលក់ដូរចំនួន៩ត្រូវភ្លើង ឆេះអស់ និងតូបចំនួន១៨ត្រូវរុុុះរើចេញដើម្បីបញ្ជៀស និងទប់ស្កាត់អគ្គិភ័យមិនឱ្យរាលដាលនិង៤ខ្នងឆេះរោលៗ ។ មានប្រជាពលរដ្ឋទាំងអស់ចំនួន១៣៩គ្រួសារដែលត្រូវនាំអំណោយចែកជូន នៅពេលនេះ និងនៅពេលរសៀលជាបន្តទៀត ។ តាមការប៉ាន់ប្រមាណ សម្ភារទ្រព្យសម្បត្តិដែលត្រូវព្រះអគ្គីបំផ្លិចបំផ្លាញគិតជាទឹក ប្រាក់ប្រមាណជាង១លាន ដុល្លារដែលខ្លះត្រូវភ្លើងឆេះអស់គ្មានយកអ្វីបានឡើយ ។
គួរបញ្ជាក់ថា កាលពីវេលាម៉ោង២និង៣០នាទីរសៀលថ្ងៃទី ២៣ កក្កដា ឆ្នាំ២០១២ ផ្សារទួលសង្កែរួមទាំងលំនៅឋានប្រជាពលរដ្ឋនៅជាប់តូបពីខាង ត្បូងត្រូវភ្លើងឆាបឆេះយ៉ាងសន្ធោសន្ធៅ ដែលការឆាបឆេះនេះរហូតដល់ម៉ោង៤រសៀលទើបទ្រោមទប់ស្កាត់បាន ហើយរថយន្តពន្លត់អគ្គិភ័យចំនួន២៥គ្រឿងបានបាញ់ពន្លត់រហូតដល់ ម៉ោង៦និង៣០នាទីល្ងាច ។ ផ្ទះដែលត្រូវភ្លើងឆេះនោះជាផ្ទះឈើប្រក់សង្ក័សីដែលសង់ជាប់ៗ គ្នាក្នុងនោះមានផ្ទះល្វែងចំនួន៤០ខ្នង និង១៧ខ្នងទៀតជាផ្ទះតូចៗដែលសង់ក្នុងផ្សារសម្រាប់លក់ដូរ ៕
រាជធានីភ្នំពេញ ៖ បន្ទាប់ពីកើតមានព្រះអគ្គីឆេះផ្សារទួលសង្កែយ៉ាងសន្ធោសន្ធៅ កាលពីល្ងាចថ្ងៃទី២៣ កក្កដា មក នៅព្រឹកថ្ងៃទី២៤ កក្កដា សាលាសង្កាត់ទួលសង្កែ បានចុះស្រង់ស្ថិតិបន្តពីទំហំនៃការខូចខាត និងនាំយកអំណោយសង្គ្រោះបន្ទាន់ទៅចែកជូនដល់ជនរងគ្រោះចំនួន ៩៦គ្រួសារជាជំហានដំបូង ។
ទន្ទឹមការចុះស្រង់ស្ថិតិនាព្រឹកនោះដែរនៅ បរិវេណកន្លែងកើតមានអគ្គិភ័យនោះប្រជាពលរដ្ឋដែលធ្វើដំណើរទៅ ផ្សារបាននាំគ្នាចោមរោមមើល និងសួរសុខទុក្ខគ្នាទៅវិញទៅមក ហើយខ្លះទៀតបាននាំគ្នារើកកាយយកដែក ឬរបស់របរមានតម្លៃដែលអាចលក់បាន ។ អ្វីដែលធ្វើឱ្យមានការចាប់អារម្មណ៍នោះ គឺប្រជាពលរដ្ឋមួយចំនួនបាននាំគ្នាកកាយរកមាសនៅចំណុចតូប លក់គ្រឿងអលង្ការដែលត្រូវភ្លើងឆេះ និងខ្លះទៀតបានការពារតូប និងផ្ទះរបស់ខ្លួនដែលឆេះ។ ចំណែកមន្ត្រីអាជ្ញាធរបានខិតខំធ្វើយ៉ាងណាស្រង់ឈ្មោះអ្នករង គ្រោះ និងដោះស្រាយអ្វីដែលជនរងគ្រោះត្រូវការចំពោះមុខ ។
ទោះបីជាយ៉ាងណា គេពុំទាន់ដឹងពីមូលហេតុពិតប្រាកដនៃការកើតមានអគ្គិភ័យនេះ នៅឡើយតែប្រជាពលរដ្ឋភាគច្រើនអះអាងថា ភ្លើងបានឆេះចេញពីផ្ទះលេខ៥៣ ក្រុមទី១ ផ្លូវលេខ៩០១ ភូមិទួលសង្កែ ដែលមានម្ចាស់ឈ្មោះ ទា វណ្ណរ៉ា ភេទប្រុស អាយុ៤២ឆ្នាំ តែបានជួលឱ្យគេលក់អីវ៉ាន់គ្រឿងទេស ។ ឯបុរសឈ្មោះ ទា វណ្ណរ៉ា បានដាក់ពាក្យបណ្តឹងទៅសាលាសង្កាត់ ប្តឹងពីឈ្មោះចាន់ សារ៉ន ភេទប្រុស អាយុប្រមាណ៤០ឆ្នាំជាគ្រូពេទ្យ មានលំនៅផ្ទះលេខ១៥ ក្រុមទី១ ផ្លូវលេខ៩០០ ដោយចោទប្រកាន់ថា ជាអ្នកដើមហេតុបង្កឱ្យកើតមានអគ្គិភ័យនេះ ។ នៅក្នុងពាក្យបណ្តឹងនោះក៏បានទាមទារសំណងពីការខូចខាតចំនួន ៨ម៉ឺនដុល្លារ និងជំងឺចិត្ត៣ម៉ឺនដុល្លារផងដែរ ។
ទាក់ទិននឹងការចោទប្រកាន់ក្នុងពាក្យបណ្តឹង នេះ គេពុំដឹងថា ចាន់ សារ៉ាន មានប្រតិកម្មយ៉ាងណានោះទេ ហើយប៉ូលិសកំពុងធ្វើការស្រាវជ្រាវចំពោះការកើតមានអគ្គិភ័យ នេះ ។ នៅព្រឹកថ្ងៃទី២៤ កក្កដា នោះមន្ត្រីសាលាសង្កាត់ទួលសង្កែបាននាំយកអំណោយសង្គ្រោះបន្ទាន់ ទៅចែកជូនប្រជាពលរដ្ឋចំនួន៩៨គ្រួសារជាជំហានដំបូង ហើយនៅវេលាល្ងាចនឹងបន្តចែកទៀត ពិធីនេះបានរៀបចំធ្វើនៅក្នុងសាលាសង្កាត់ទួលសង្កែតែម្តង ។ អំណោយដែលនាំយកទៅចែកជូនក្នុងឱកាសនោះក្នុង១គ្រួសារៗមាន មុង១ តង់១ កន្ទេល ធុងទឹក១ ទឹកត្រី១យួរ ទឹកស៊ីអីុវ១យួរ អង្ករ១បាវ និងថវិកា៥មឺុនរៀល ។ អំណោយទាំងនេះជាការបរិច្ចាគផ្ទាល់ខ្លួនរបស់លោក សយ កុសល ចៅសង្កាត់ទួលសង្កែ រួមជាមួយសប្បុរជនមួយចំនួនទៀត ។
លោក សយ កុសល បានឱ្យដឹងថា បន្ទាប់ពីកើតមានអគ្គិភ័យអាជ្ញាធរមូលដ្ឋានរួមទាំងសមត្ថកិច្ច ចម្រុះ បានចុះទៅជួយអន្តរាគមន៍ខិតខំជួយពន្លត់ភ្លើងដោយមានរថយន្ត ពន្លត់អគ្គិភ័យជាច្រើនគ្រឿងរួមជាមួយរថយន្តមកពីខេត្តកណ្តាល ផងទើបជួយទប់ស្កាត់បាន ។ ពិតណាស់អំណោយទាំងនេះមិនអាចសងនូវអ្វីដែលបងប្អូនរងគ្រោះ ឡើយ តែវាអាចជួយសម្រួលដល់បងប្អូនបានមួយគ្រាដែលកំពុងតែជួបការ លំបាក ។ លោកចៅសង្កាត់បានបន្តទៀតថា លំនៅឋានចំនួន៥៧ខ្នងរួមទាំងតូបលក់ដូរចំនួន៩ត្រូវភ្លើង ឆេះអស់ និងតូបចំនួន១៨ត្រូវរុុុះរើចេញដើម្បីបញ្ជៀស និងទប់ស្កាត់អគ្គិភ័យមិនឱ្យរាលដាលនិង៤ខ្នងឆេះរោលៗ ។ មានប្រជាពលរដ្ឋទាំងអស់ចំនួន១៣៩គ្រួសារដែលត្រូវនាំអំណោយចែកជូន នៅពេលនេះ និងនៅពេលរសៀលជាបន្តទៀត ។ តាមការប៉ាន់ប្រមាណ សម្ភារទ្រព្យសម្បត្តិដែលត្រូវព្រះអគ្គីបំផ្លិចបំផ្លាញគិតជាទឹក ប្រាក់ប្រមាណជាង១លាន ដុល្លារដែលខ្លះត្រូវភ្លើងឆេះអស់គ្មានយកអ្វីបានឡើយ ។
គួរបញ្ជាក់ថា កាលពីវេលាម៉ោង២និង៣០នាទីរសៀលថ្ងៃទី ២៣ កក្កដា ឆ្នាំ២០១២ ផ្សារទួលសង្កែរួមទាំងលំនៅឋានប្រជាពលរដ្ឋនៅជាប់តូបពីខាង ត្បូងត្រូវភ្លើងឆាបឆេះយ៉ាងសន្ធោសន្ធៅ ដែលការឆាបឆេះនេះរហូតដល់ម៉ោង៤រសៀលទើបទ្រោមទប់ស្កាត់បាន ហើយរថយន្តពន្លត់អគ្គិភ័យចំនួន២៥គ្រឿងបានបាញ់ពន្លត់រហូតដល់ ម៉ោង៦និង៣០នាទីល្ងាច ។ ផ្ទះដែលត្រូវភ្លើងឆេះនោះជាផ្ទះឈើប្រក់សង្ក័សីដែលសង់ជាប់ៗ គ្នាក្នុងនោះមានផ្ទះល្វែងចំនួន៤០ខ្នង និង១៧ខ្នងទៀតជាផ្ទះតូចៗដែលសង់ក្នុងផ្សារសម្រាប់លក់ដូរ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
