រាជធានីភ្នំពេញ ៖ បុរសម្នាក់ត្រូវប្រពន្ធជាជនជាតិវៀតណាមវាយនឹងស្បែកជើង ហើយហៅបងប្អូនមកវាយបន្ថែមទៀត បន្ទាប់ពីមានទំនាស់គ្នាក្នុងគ្រួសារដោយស្ត្រីជាប្រពន្ធចោទថា មានស្រីថ្មី ។ ការទាស់ទែងគ្នាក្នុងគ្រួសារឈានទៅប្រើហិង្សានេះបានកើតឡើង កាលពីវេលាម៉ោង៨និង១៥នាទីយប់ថ្ងៃទី២៤ កក្កដា ២០១២ នៅភូមិផ្សារតូច សង្កាត់ទួលសង្កែ ខណ្ឌឫស្សីកែវ ។ បន្ទាប់ពីកើតមានអំពើហិង្សាប៉ូលិសប៉ុស្តិ៍ទួលសង្កែបានចុះទៅ អន្តរាគមន៍ឃាត់ស្ត្រីជាប្រពន្ធរួមទាំងបងប្អូនប្រុស២នាក់មក សួរនាំ ព្រមទាំងធ្វើការសម្របសម្រួលដោយភាគីខាងប្តីទារជំងឺចិត្ត៣០០ ដុល្លារហើយសុំចែកផ្លូវគ្នា ។
បុរសជាប្តីដែលត្រូវប្រពន្ធ និងបងប្អូនខាងប្រពន្ធវាយនោះឈ្មោះផេង ចិន្តា ភេទប្រុស អាយុ៤៥ឆ្នាំ បានរងរបួសចង្កេះ និងមុខ ។ រីឯស្ត្រីជាប្រពន្ធឈ្មោះហ្វៀង ធីនូ ហៅគឹម ចេង អាយុ៣៥ឆ្នាំ ជាជនជាតិវៀតណាមមានលំនៅផ្ទះជួលលេខ៧ ផ្លូវលេខ៥៨ ភូមិផ្សារតូច សង្កាត់ទួលសង្កែ ខណ្ឌឫស្សីកែវ ។ តាមព័ត៌មានឱ្យដឹងថា នៅមុនពេលកើតហេតុប្តីប្រពន្ធពីរនាក់នេះមានទំនាស់គ្នាពី រឿងប្រពន្ធចោទប្តីថា មានស្រី ដែលបានកើតឡើងជាញឹកញាប់ ។ នៅពេលទាស់គ្នាប្រពន្ធបានយកស្បែកជើងវាយមកលើប្តី បណ្តាលឱ្យរងរបួស ។ បន្ទាប់ពីមានទំនាស់គ្នាប្តីបានចុះពីផ្ទះទៅអង្គុយលេងក្នុង ភូមិ ស្រាប់តែមួយសន្ទុះក្រោយមកស្ត្រីជាប្រពន្ធបានទូរស័ព្ទហៅប្អូន ប្រុសមកដល់រករឿង និងវាយយកតែឈ្នះដៃបន្ថែមទៀតតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
