ចិន៖ កាលពីពេលថ្មីៗនេះ តារាសម្តែង ជនជាតិចិនម្នាក់ បានធ្វើពិធីខួបកំណើត ឲ្យអ្នកបើកឡានខ្លួន តែអ្វីដែល អស្ចារ្យនោះ គឺតារាប្រុសរូបនេះ ក៏បានឲ្យអាំងប៉ាវ ជាង១ម៉ឺនដុល្លារ ទៅអ្នកបើកឡាន របស់ខ្លួន ថែមទៀតផង។
តាមប្រភពព័ត៌មាន បរទេសមួយ បានឲ្យដឹងថា តារាសម្តែងប្រុស មានរាងខ្ពស់សង្ហា លោក Huang Xiaoming ដែល មានអាយុ ៣៧ឆ្នាំ បានចំណាយពេលវេលា របស់ខ្លួន ក្នុងការធ្វើពិធីខួបកំណើត ដ៏ភ្ញាក់ផ្អើលមួយ ឲ្យអ្នកបើកឡាន របស់ខ្លួន តែអ្វីដែល រឹតតែអស្ចារ្យ ទៅទៀតនោះ គឺគាត់បាន រៀបចំអាំងប៉ាវក្រហមមួយ ដែលមានទឹកប្រាក់ ដល់ទៅជាង ១៦,០០០ ដុល្លារអាមេរិក ឲ្យទៅអ្នកបើកឡាន របស់គាត់ ថែមទៀតផង។
លោក Huang Xiaoming ហើយនឹង អ្នកបើកឡាន បានស្គាល់ និងរាប់អានគ្នា ដូចជាគ្រួសារតែមួយ អស់រយៈពេល ជាង១០ឆ្នាំ ទៅហើយ។ ជាងនេះទៅទៀត កាលពីថ្មីៗនេះ ពេលដែលលោក រងរបួសជើង តៃកុងឡានរូបនោះ បាននៅក្បែរលោក ហើយបានមើលថែលោក ដោយយកចិត្តទុកដាក់ និងមិនរុញរា អ្វីទាំងអស់។
គួរបញ្ជាក់ផងដែរថា ចាប់តាំងពី លោក Xiaoming បានបង្កើតស្ទីឌីយ៉ូ ផ្ទាល់ខ្លួនរួចមក លោកក៏បានបន្ថែម នូវការយកចិត្ត ទុកដាក់ ខ្លាំងជាមុន ចំពោះបុគ្គលិក ដោយឲ្យបុគ្គលិក ទៅវិស្សមកាល លំហែកាយ ធ្វើពិធីខួបកំណើត ឲ្យពួកគេ និងធ្លាប់ឲ្យកាដូ ជារថយន្ត ទៅបុគ្គលិក ថែមទៀតផង។
ឯនៅថ្ងៃទិវា នៃសេចក្ដីស្រលាញ់ តារាប្រុសរូបនេះ តែងឲ្យផ្កាកុលាប ទៅបុគ្គលិកស្រី គ្រប់ៗគ្នា។ ជាពិសេសក្នុងថ្ងៃចូលឆ្នាំចិន លោកតែងឲ្យ អាំងប៉ាវ ទៅឪពុកម្ដាយ របស់បុគ្គលិក ទាំងអស់ ផងដែរ។ កាលពីឆ្នាំមុន លោក Xiaoming បានរៀបចំ អាំងប៉ាង ជាង១លានយ័ន ឬប្រហែល ១៦ម៉ឺនដុល្លារអាមរិក សម្រាប់ថ្ងៃចូលឆ្នាំ ទៀតផង។
គួរបញ្ជាក់ផងដែរថា លោក Huang Xiaoming ជាតារាហុងកុងម្នាក់ ដែលរកចំណូល បានច្រើន ក្នុងវិស័យឧស្សាហកម្មកម្សាន្ត របស់ប្រទេសចិន។ ក្រៅពីសិល្បៈ លោកទទួលបាន ភាពជោគជ័យ ក្នុងការវិនិយោគទុន អចលនទ្រព្យ កន្លែងផលិត ស្រាទំពាំងបាយជូរ និងការថតរឿង ផងដែរ៕
ប្រភព៖ បរទេស
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
