ខេត្តកំពង់ឆ្នាំង ៖ កុមារីអាយុ២ឆ្នាំបានរងរបួសរលាកទឹកក្តៅកំពុងពុះពេញខ្លួន ធ្ងន់ធ្ងរ ខណៈដែលកុមារីនេះធ្វើជាគោឱ្យក្មេងប្រុសម្នាក់ទៀតចងដៃអូស រត់លេង ហើយបានទាក់នឹងកំសៀវទឹកលើចង្ក្រានកំពុងពុះកំពប់ចាក់ស្រោចពី លើកាលពីវេលាម៉ោង៩និង៣០នាទីព្រឹកថ្ងៃទី២៥ កក្កដា នៅផ្ទះស្ថិតក្នុងភូមិត្រពាំងម្លូ ឃុំក្រាំងស្គា ស្រុកទឹកផុស ។
តាមការរៀបរាប់របស់ស្ត្រីឈ្មោះ ស ចិន អាយុ៤២ឆ្នាំ ដែលត្រូវជាជីដូនកុមារីរងគ្រោះបាននិយាយថា ចៅស្រីរបស់គាត់ឈ្មោះអីុម ធារ៉ា អាយុ២ឆ្នាំ ។ មុនពេលកើតហេតុចៅរបស់គាត់ត្រូវបានក្មេងប្រុសម្នាក់ទៀតដែលនៅ ផ្ទះជិតគ្នាយកខ្សែមកចងដៃធ្វើជាសត្វគោ ហើយក្មេងប្រុសនោះបានដឹកចៅគាត់រត់លេងជុំវិញផ្ទះ ប៉ុន្តែពួកវាមិនបានប្រយ័ត្នក៏រត់ទៅទាក់ខ្សែនឹងកំសៀវដាំ ទឹកកំពុងពុះ បណ្តាលឱ្យកំពប់ចាក់ស្រោចមកលើចៅស្រីគាត់តែម្តង គឺរលាកត្រឹម.កចុះមកក្រោម ។ ភ្លាមៗម្តាយកុមារីរងគ្រោះមិននៅផ្ទះរវល់ទៅស្រែ គាត់ក៏ប្រញាប់នាំចៅទៅកាន់មន្ទីរពេទ្យ ដើម្បីសង្គ្រោះ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
