ខេត្តកំពង់ចាម ៖ យុវជន៣នាក់ស្រវឹងជិះម៉ូតូម៉ាកវ៉េវ១គ្រឿងទៅបុករថយន្តធុនធំ ពីក្រោយពេញទំហឹង បណ្តាលឱ្យស្លាប់២នាក់ភ្លាមៗនៅនឹងកន្លែង និងម្នាក់ទៀតរងរបួសធ្ងន់នៅលើកំណាត់ផ្លូវជាតិលេខ៧ ស្ថិតនៅក្នុងភូមិស្រែសៀម ឃុំជីរោទិ៍ទី២ ស្រុកត្បូងឃ្មុំ កាលពីវេលាម៉ោង១២និង៣៥នាទីរំលងអធ្រាត្រឈានចូលថ្ងៃទី២៤ កក្កដា ២០១២ ចំណែករថយន្តមិនស្គាល់ម៉ាកបើករត់គេចបាត់ស្រមោល ។
តាមលោកអនុសេនីយ៍ឯក សូ សារ៉ាត់ អធិការរងនគរបាលស្រុកត្បូងឃ្មុំ ឱ្យដឹងថា យុវជនដែលស្លាប់២នាក់ នោះមាន ១-ឈ្មោះហេង សុខមិន អាយុ២៣ឆ្នាំ រស់នៅភូមិសួងកើត សង្កាត់សួង ក្រុងសួង អ្នកបើកបរ ២-ឈ្មោះហាត់ ពិសិដ្ឋ អាយុ២៥ឆ្នាំ រស់នៅភូមិវិហារធំ ឃុំល្ងៀង ស្រុកត្បូងឃ្មុំ និងអ្នករបួសធ្ងន់ឈ្មោះជួប សារុន អាយុ២៣ឆ្នាំ រស់នៅភូមិអង្គស ឃុំអង្គស ស្រុកមេសាង ខេត្តព្រៃវែង ត្រូវបានបញ្ជូនទៅសង្គ្រោះនៅមន្ទីរ៧ “D” ភ្លាមៗដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
