រាជធានីភ្នំពេញ ៖ តារាចម្រៀង និងជាតន្ត្រីករដ៏ល្បីល្បាញលោកណាំ ប៊ុណ្ណារ័ត្ន បានជួបឧបទ្ទវហេតុគ្រោះថ្នាក់ចរាចរណ៍ក្រឡាប់រថយន្ត ខណៈពេលដែលលោកធ្វើដំណើរទៅថតបទចម្រៀងឱ្យផលិតកម្មថោននៅឯ ខេត្តព្រះសីហនុ ។
លោកមាស សុខរតនៈ ជាអ្នកគ្រប់គ្រងទូទៅក្នុងផលិតកម្មថោន បានឱ្យកោះសន្តិភាពដឹងតាមទូរស័ព្ទថា លោកណាំ ប៊ុណ្ណារ័ត្ន ពិតជាបានជួបគ្រោះថ្នាក់ចរាចរណ៍ពិតប្រាកដមែន គឺពេលដែលលោកត្រូវចេញទៅថតនៅកំពង់សោម ហើយការជួបគ្រោះថ្នាក់នេះ គឺនៅម្តុំវាលរេញ ខេត្តព្រះសីហនុ ។ ទោះជាយ៉ាងណាលោកមាស សុខរតនៈ បានបញ្ជាក់ថា គ្រោះថ្នាក់នេះមិនបណ្តាលឱ្យលោកណាំ ប៊ុណ្ណារ័ត្ន គ្រោះថ្នាក់ដល់ជីវិតឡើយ គឺគ្រាន់តែរបួសដៃជើងប៉ុណ្ណោះ។ លោកបន្តថា បច្ចុប្បន្ននេះលោកណាំ ប៊ុណ្ណារ័ត្ន ត្រូវបានគេបញ្ជូនមកសម្រាកព្យាបាលក្នុងមន្ទីរពេទ្យនៅឯ រាជធានីភ្នំពេញរួចហើយដែរ។ បើយោងតាមការឱ្យដឹងពីក្រុមគ្រួសាររបស់លោកណាំ ប៊ុណ្ណារ័ត្ន បានឱ្យដឹងថា លោកណាំ ប៊ុណ្ណារ័ត្ន បានជួបគ្រោះថ្នាក់ចរាចរណ៍នៅថ្ងៃទី២៥ កក្កដា ២០១២ ចន្លោះម៉ោង៥ទៅ៦ព្រឹកនៅលើកំណាត់ផ្លូវជាតិលេខ៤ ក្នុងខេត្តព្រះសីហនុ ដោយរួមជាមួយអ្នកដំណើរ៥នាក់ផ្សេងទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
