រាជធានីភ្នំពេញ ៖ កម្លាំងនគរបាលប៉ុស្តិ៍រដ្ឋបាលចតុមុខសហការជាមួយប្រជាពលរដ្ឋបានឃាត់ខ្លួនជនសង្ស័យម្នាក់ដែលធ្វើសកម្មភាពឆក់ខ្សែ.កពីស្ត្រីម្នាក់នៅកន្លែងផ្ញើម៉ូតូសួនឌ្រីមលែន វិថីព្រះសុរាម្រិត សង្កាត់ចតុមុខ ខណ្ឌដូនពេញ កាលពីវេលាម៉ោង៨និង៤០នាទីយប់ថ្ងៃទី២៤ កក្កដា ២០១២ ហើយព្យាយាមរត់គេចខ្លួន ។
ជនសង្ស័យឆក់ខ្សែ.កដែលជួបសំណាងអាក្រក់ត្រូវនគរបាលឃាត់ខ្លួនឈ្មោះសុខ ឆក ភេទប្រុស អាយុ២២ឆ្នាំ ស្នាក់នៅផ្ទះជួលសង្កាត់បឹងត្របែក ខណ្ឌចំការមន ។ យោងតាមពាក្យបណ្តឹងជនរងគ្រោះឈ្មោះទី គឹមឡាយ ភេទស្រី អាយុ១៦ឆ្នាំ ជាសិស្ស ស្នាក់នៅផ្ទះលេខ៤៤០ វិថីម៉ៅសេទុង ស្ថិតក្នុងសង្កាត់ទឹកល្អក់ទី៣ ខណ្ឌទួលគោក បានឱ្យនគរបាលដឹងថា មុនពេលកើតហេតុនាងបានជិះម៉ូតូជាមួយបងស្រីចេញពីផ្ទះឆ្ពោះទៅសួនកម្សាន្តឌ្រីមលែន វិថីព្រះសុរាម្រិត ស្ថិតក្នុងសង្កាត់ចតុមុខ ខណ្ឌដូនពេញ ខណៈពេលដែលបងស្រីរបស់នាងយកម៉ូតូទៅផ្ញើនៅកន្លែងផ្ញើម៉ូតូខាងត្បូងសួនឌ្រីមលែននោះនាងឈរម្នាក់ឯង ។ បន្តិចក្រោយមកស្រាប់តែមានបុរសម្នាក់ដើរមកក្បែរហើយធ្វើសកម្មភាពឆក់ខ្សែ.កពីក្នុងអាវរួចព្យាយាមរត់គេចខ្លួន ។ ភ្លាមៗនោះនាងក៏បានស្រែកឆោឡោឡើង ដើម្បីឱ្យប្រជាពលរដ្ឋ និងសមត្ថកិច្ចជួយអន្តរាគមន៍ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]