រាជធានីភ្នំពេញ ៖ នារីជាម្តាយមីងត្រូវបានរលាករលាត់ស្បែកមុខដៃជើងនិង ភ្លៅទាងសងខាង ចំណែកក្មួយស្រីឆេះរួញសក់ក្បាល ខណៈពេលដាក់ដាំបាយស្រាប់តែកំប៉ុងហ្គាសឆាបឆេះបណ្តាលឱ្យ ផ្ទុះ ធ្វើឱ្យកញ្ចក់បង្អួចបែកខ្ចាត់ខ្ចាយនិងឆេះរបស់របរក្នុង បន្ទប់មួយចំនួន។ ឧប្បត្តិហេតុនេះកើតឡើងកាលពីវេលាម៉ោង៧យប់ថ្ងៃទី២៤ កក្កដា នៅបន្ទប់ជួលក្នុងភូមិថ្មី សង្កាត់ស្ទឹងមានជ័យ ខណ្ឌមានជ័យ ។ នេះជាហេតុការណ៍មួយថ្មីទៀតដែលបណ្តាលមកពីផ្ទុះកំប៉ុងហ្គាសតូចៗ ដែលប្រជាពលរដ្ឋយើងនិយយកមកប្រើប្រាស់ចម្អិនម្ហូបអាហារ ។
នារីជាម្តាយមីងមានឈ្មោះកាន់ សម្ភស្ស អាយុ២៥ឆ្នាំ ជាកម្មការិនីកាត់ដេរ ស្នាក់នៅបន្ទប់ជួលកន្លែងកើតហេតុខាងលើ មានស្រុកកំណើតនៅភូមិសង្គម ឃុំគគីរសោម ស្រុកស្វាយទាប ខេត្តស្វាយរៀង ឆេះរលាកធ្ងន់ជាងក្មួយស្រីឈ្មោះកែម ធីតា អាយុ១៥ឆ្នាំ ដែលឆាបឆេះ រួញសក់ ។ប្រភពព័ត៌មានពីសាច់ញាតិបានឱ្យដឹងថា មុនពេលកើតហេតុម្តាយមីងទើបនឹងចេញពីធ្វើការមកដល់កន្លែងស្នាក់នៅបានដាក់ឆ្នាំង ដាំបាយលើចង្ក្រាបហ្គាសតូច លុះពេលលាងអង្កររួចរាល់លើកឆ្នាំងយកមកដាក់លើចង្រ្កានបានកាច់ចង្ក្រាន ហ្គាសក៏ឮសំឡេងខ្យល់ហើយធ្លាយហ្គាសចេញមកបណ្តាលឱ្យឆេះរលាកឈ្មោះកាន់ សម្ភស្ស ដែលនៅក្នុងបន្ទប់កំពុងដាំបាយ និងឆេះរបស់របរ មុង ភួយនិងខោអាវនៅក្នុងបន្ទប់ ព្រមទាំងផ្ទុះបែកកញ្ចក់បង្អួចខ្ទេចខ្ទី ។ ចំណែកក្មួយស្រីនៅខាងក្រៅបន្ទប់បានឆាបឆេះសក់តិចតួចផងដែរ ។
ក្រោយពេលកើតហេតុបានអ្នកជិតខាងនាំគ្នា ទៅជួយពន្លត់រលត់អស់ជាស្ថាពរ តែជនរងគ្រោះបានឆេះរលាករលាត់សែ្បកមុខដៃជើង និងភ្លៅទាំងសងត្រូវអ្នកជិតខាងនាំគ្នាដឹកយក ទៅព្យាបាលនៅមន្ទីរពេទ្យព្រះកុសុមៈ ។ រីឯក្មួយស្រីគ្រាន់តែឆេះរួញសក់តិចតួចមិនបានទៅមន្ទីរពេទ្យទេ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]