រាជធានីភ្នំពេញ ៖ រថយន្តកាមរីហាយប្រ៊ីត ពណ៌ខ្មៅ ជិះទៅឈប់មុខប៉ុស្តិ៍នគរបាលរដ្ឋបាលបឹងកេងកង៣ បើកទ្វាររថយន្តមិនមើលក្រោយប៉ះរ៉ឺម៉កម៉ូតូមកពីក្រោយ បណ្តាលឱ្យរថយន្តរបើកទ្វារចំហៀងខាងឆ្វេង ចំណែករ៉ឺម៉កម៉ូតូក្រពឹតគំរបលើកង់ខាងស្តាំ កាលពីវេលាម៉ោង២និង៣០នាទីរសៀលថ្ងៃទី២៤កក្កដា តាមបណ្តោយផ្លូវលេខ១៤៣ កែងផ្លូវលេខ៣១០ ស្ថិតក្នុងសង្កាត់បឹងកេងកង៣ ខណ្ឌចំការមន។
អ្នកបើករ៉ឺម៉កម៉ូតូឈ្មោះម៉ ស៊ីម ភេទប្រុស អាយុ៣២ឆ្នាំ ស្នាក់នៅផ្ទះជួលជិតវត្តសន្សំកុសល សង្កាត់បឹងទំពុន ខណ្ឌមានជ័យ មានស្រុកកំណើតនៅភូមិកណ្តឹង១ ឃុំកណ្តឹង ស្រុកបាទី ខេត្តតាកែវ ។ បន្ទាប់ពីកើតហេតុខាងម្ចាស់រថយន្តបានសុំឱ្យខាងរ៉ឺម៉កម៉ូតូជួយ ចេញថ្លៃខូចខាតទ្វាររថយន្តរបស់គេខ្លះ តែមិនបានទាមទារប៉ុន្មានទេ សុំទៅតាមលទ្ធភាពដែលអាចមាន ។ អ្នកបើករ៉ឺម៉កម៉ូតូបានទូរស័ព្ទហៅមិត្តភក្តិមកជួយអន្តរាគមន៍ និងសុំខ្ចីលុយសងទៅម្ចាស់រថយន្តចំនួន១០ម៉ឺនរៀល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]