រាជធានីភ្នំពេញ ៖ តារាចម្រៀងអូប៉េរ៉ាវ័យក្មេងនាងបុស្បា ប៉ាន់ បានធ្វើឲ្យ អ្នកលេង ហ្វេសប៊ុក ភ្ញាក់ផ្អើលខ្លាំង បន្ទាប់ពីនាងបង្ហាញ ឈុតប៊ីគីនីជា លើកដំបូង លើវាលខ្សាច់នៅ ទឹកដីអាមេរិក ទីដែលនាងកំពុង តែសិក្សាផ្នែក តូរ្យតន្ត្រីរយៈពេល ៩ឆ្នាំ ។
ក្នុងឈុតសម្លៀកបំពាក់ពណ៌ខ្មៅប្រភេទប៊ីគីនីតាមបែបបស្ចិមប្រទេស បុស្បា ប៉ាន់ បានបង្ហោះ តាមបណ្តាញសង្គមហ្វេសប៊ុកកាលពី ពេលថ្មីៗនេះ ដែលរូបភាពមួយ សន្លឹកនោះបានធ្វើឲ្យ ទស្សនិកជនភ្ញាក់ ផ្អើលខ្លាំង ខណៈពេលកន្លងមកគេកម្រ បានឃើញយុវតី រូបនេះបង្ហាញរាង ក្នុងឈុតសម្លៀក បំពាក់សិចស៊ី បែបនេះឡើយ ។
បន្ទាប់ពីរូបភាពនោះបង្ហោះមកមានអ្នកចូលមើល និងចុចLike ប្រមាណជិត ១ម៉ឺននាក់ និងមានអ្នកចែកចាយជាច្រើននាក់ ផ្សេងទៀត ក្នុងនោះមាន ប្រិយមិត្តជាច្រើនទៀត បញ្ចេញមតិដោយភាគ ច្រើនកោតសរសើរ ពីភាពស្រស់ស្អាត របស់នាង ។
តារាចម្រៀងវ័យក្មេង បុស្បា ប៉ាន់ បានចាកចេញពីកម្ពុជាទៅសិក្សានៅ សាលា WALNUT HILL SCHOOL FOR THE ARTS ជាសាលាសិល្បៈ តន្ត្រីល្បីឈ្មោះ បំផុតក្នុងសាកលលោក ស្ថិតនៅ ក្រុងបូស្តុន រដ្ឋម៉ាសាឈូសេត សហរដ្ឋអាមេរិក ។
បុស្បា ប៉ាន់ ជាកូនខ្មែរម្នាក់ប្រកបដោយមោទនភាព ព្រោះមានតែនាង ជាអ្នក ចម្រៀងអូប៉េរ៉ា ម្នាក់គត់ចេញពីបណ្តាប្រទេសក្នុង សមាគម ប្រជាជាតិអាស៊ីអាគ្នេយ៍ដែល បានចូលរៀន នៅសាលានោះដំបូងគេ ។ សាលា WALNUT HILL SCHOOL FOR THE ARTS ផ្តល់អាហារូបករណ៍ ឱ្យបុស្បា ប៉ាន់ ៥០% ខណៈសិស្ស រៀននៅសាលានោះ ក្នុងមួយឆ្នាំត្រូវបង់ ថ្លៃសិក្សាចំនួន ៥ម៉ឺនដុល្លារ ។ ក្រៅពីនេះ វិស័យឯកជន និងសប្បុរសជន ក្នុងស្រុក ឧបត្ថម្ភបុស្បា ប៉ាន់ ៣០% ។ នៅសល់ ២០%ទៀតជា អ្វីដែលបុស្បា ប៉ាន់ និងក្រុម គ្រួសារជា អ្នករ៉ាប់រងទាំងស្រុង ។
ឪពុករបស់បុស្បា ប៉ាន់ លោកប៉ាន់ ម៉េងហ៊ាង ធ្លាប់អះអាងថា កូនស្ រីរបស់លោក ត្រូវសិក្សានៅ សាលាមួយនោះរយៈពេល៩ឆ្នាំ។ នាងត្រូវ ចំណាយពេលបី ឆ្នាំនៅសាលានោះ មុននឹងបន្ត រយៈពេល៦ឆ្នាំទៀត ដើម្បីបញ្ចប់ កម្រិតខ្ពស់បំផុតផ្នែក ចម្រៀងអូប៉េរ៉ា និងតន្ត្រី ។ បុស្បា ប៉ាន់ ជាសិស្សក្មេងជាង គេនៅសាលានោះ ព្រោះ សាលាទទួលសិស្សអាយុចាប់ ពី១៨ឆ្នាំឡើង ខណៈនាង មានអាយុទើប តែ១៥ឆ្នាំប៉ុណ្ណោះ ប៉ុន្តែដោយ នាងមាន ទេពកោសល្យខ្ពស់ទើបមាន ឱកាសពិសេស នេះ ។
មុនពេលឡើងយន្តហោះនៅអាកាសយានដ្ឋានអន្តរជាតិភ្នំពេញ បុស្បា ប៉ាន់ បាននិយាយ ថា «ខ្ញុំសប្បាយចិត្តព្រោះបានទៅរៀន នៅសាលា ល្បីឈ្មោះ និងបំពេញ តាមក្តីសុបិន របស់ខ្លួន ប៉ុន្តែទន្ទឹមនេះក៏ មិនសប្បាយចិត្តដែរ ព្រោះត្រូវឃ្លាតពី ឪពុកម្តាយ បងប្អូន និងម្យ៉ាងទៀត ព្រួយបារម្ភផ្នែក ប្រាក់សម្រាប់ បង់ថ្លៃសិក្សា ខ្លាចមិនអាច បន្តបានចប់ចុង ចប់ដើម» ។
ជាមួយក្តីបារម្ភនេះ តារាចម្រៀងអូប៉េរ៉ា វ័យក្មេងរបស់កម្ពុជារូបនេះ ចង់ឱ្យ សប្បុរសជន ជួយដល់នាង ដើម្បីមានលទ្ធភាពអាច សិក្សាបានចប់ ចុងចប់ដើម ហើយត្រឡប់ មកកម្ពុជាវិញ ដើម្បីរួមចំណែក ក្នុងវិស័យសិល្បៈវប្បធម៌ និងជួយ បណ្តុះបណ្តាល អ្នកជំនាន់ក្រោយ ពីនាងទៀត ។
ម្តាយរបស់បុស្បា ប៉ាន់ ឈ្មោះ លីលី ស៊ីសម្បត្តិ បម្រើការនៅ សាជីវកម្មហិរញ្ញ វត្ថុអន្តរជាតិ ។ ឪពុកជាជនជាតិកម្ពុជា លោកប៉ាន់ ម៉េងហ៊ាង បានចំណាយពេល ជាច្រើនក្នុងអាជីព របស់លោកនៅ ប្រទេសបារាំង និងចំណាយពេលវេលាជា ច្រើនជួយដល់បុស្បា និងប្អូនប្រុសរបស់ នាងឈ្មោះប៉ាន់ ឡូវប៉ាន់ ដែលអ្នកទាំង ពីរតែងតែនៅជាមួយនឹង បុស្បា ក្នុងពេលសម្តែង។ បុស្បាលេងព្យ៉ាណូ ហើយប្អូនប្រុស របស់នាងលេង ក្លារីណែត ។ ក្រោយរយៈពេល៩ឆ្នាំ ដែលបុស្បា ប៉ាន់ បញ្ចប់ការសិក្សារនៅ សាលាតន្ត្រីនោះ នាងនឹងលូត លាស់ជាតារា ចម្រៀងអូប៉េរ៉ាឆ្នើមសម្រាប់កម្ពុជា ហើយអាចឈាន ចូលលំដាប់ អន្តរជាតិគួរជាទី មោទនៈសម្រាប់ រូបនាងផ្ទាល់ ក្រុមគ្រួសារ និងកម្ពុជាទឹកដីអនុស្សាវរីយ៍ នៃការចាប់ផ្តើមដុះ ពន្លកលូតលាស់ របស់នាង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]