ខេត្តក្រចេះ ៖ ជន៤នាក់ជាមុខសញ្ញាលួចយ៉ាងសកម្មដែលតែងតែធ្វើសកម្មភាពលួច សម្ភាររបស់របរប្រជាពលរដ្ឋយ៉ាងរង្គាលនៅស្រុកស្នួល ត្រូវបានកម្លាំងប៉ូលិសអធិការ ស្រុកតាមចាប់ឃាត់ខ្លួនបានកាលពីថ្ងៃទី២១ កក្កដា ក្រោយពីបក្សពួកជនទាំងនេះបន្តធ្វើសកម្មភាពលួចសម្ភាររបស់ ប្រជាពលរដ្ឋ។
មន្ត្រីប៉ូលិសស្រុកស្នួលបានឱ្យដឹងថា ជនទាំង៤នាក់ដែលជាមុខសញ្ញាចោរលួច និងត្រូវបានប៉ូលិសចាប់ឃាត់ខ្លួននេះមាន ១-ឈ្មោះឡិ វ៉ា អាយុ២២ឆ្នាំ ២-ឈ្មោះអួន ឃ្លោក អាយុ២០ឆ្នាំ ៣-ឈ្មោះផូ អួង អាយុ២០ឆ្នាំ និង៤-ឈ្មោះខន សុះ អាយុ១៦ឆ្នាំ ជនទាំង៤នាក់នេះមានទីលំនៅស្រុកស្នួល និងជាមុខសញ្ញាលួចយ៉ាងសកម្មដែលសមត្ថកិច្ចកំពុងតែតាមប្រមាញ់ ផងដែរ ។
ក្រោយពីចាប់ខ្លួនក្តឹបចោរទាំង៤នាក់នេះត្រូវ បានកម្លាំងអធិការស្រុកកសាងសំណុំរឿងនាំខ្លួនទៅកាន់ការិយាល័យ ព្រហ្មទណ្ឌកម្រិតស្រាលខេត្ត ដើម្បីចាត់វិធានការបន្ត ។
ព័ត៌ មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
