រាជធានីភ្នំពេញ ៖ ប្តីប្រពន្ធ២នាក់បានរងរបួស ខណៈពេលកំពុងជិះម៉ូតូណៃហ៊ត ពណ៌ខ្មៅ ឌុបគ្នាត្រូវរថយន្តហ៊ីយ៉ាន់ដាយ ពណ៌ទឹកប្រាក់ បុកពីក្រោយ បណ្តាលឱ្យបុរសជាប្តីរងរបួសស្រាល ចំណែកស្ត្រីជាប្រពន្ធរងរបួសធ្ងន់ រីឯរថយន្តបានបើករត់បាត់ស្រមោលតែម្តង កាលពីវេលាម៉ោង៧និង១០នាទីយប់ថ្ងៃទី២៣ កក្កដា ត្រង់ចំណុចផ្លូវជាតិលេខ៣ មុខបន្ទាយយោធា ង៧០ ស្ថិតក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។
ស្ត្រីរងគ្រោះឈ្មោះសូវ គីម អាយុ២៩ឆ្នាំ ស្នាក់នៅភូមិកើតហេតុខាងលើ រងរបួសរយះក្បាល ចំណែកបុរសជាប្តីមិនស្គាល់ឈ្មោះរងរបួសស្រាល។ ក្រោយពេលកើតហេតុស្ត្រីរងគ្រោះត្រូវបានក្រុមគ្រួសារបញ្ជូនទៅ កាន់មន្ទីរពេទ្យព្រះកុសុមៈ រីឯប្តីរងរបួសស្រាលចូលទៅលាងរបួសនៅគ្លីនិកឯកជនមួយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]