កាលពីពេលថ្មីៗនេះ សួនកម្សាន Theme Park ស្ថិតនៅក្រុង Guilin ខេត្ត Guangxi ភាគខាងត្បូងប្រទេសចិន បានបើកយុទ្ធនាការប្រកាសផ្សព្វផ្សាយនូវកម្មវិធីពិសេសរបស់ខ្លួនដោយបាននិយាយថា នារីអាយុចាប់ពី១៨ឆ្នាំឡើង និងស្លៀកសំពត់ខ្លីជាង៣៨សង្ទីម៉ែត្រ អាចចូលរួមសប្បាយនៅក្នុងសួនកម្សាន្តជាមួយការលក់សំបុត្របញ្ចុះតម្លៃ៥០ភាគរយក្នុងអំឡុងខែកក្កដា និងសីហា ឆ្នាំ២០១២ ។ នេះបើយោងតាមប្រភពពីគេហទំព័រឆាយណាប៊ឺស ចេញផ្សាយថ្ងៃទី១៧ កក្កដា ឆ្នាំ២០១២ ។
ប្រភពបន្តថា បណ្តាញទូរទស្សន៍ក្នុងស្រុក បានផ្សាយផងដែរថា បុគ្គលិកដែលបម្រើការនៅក្នុងសួនកម្សាន្តនោះ ពិតជាបានកាន់ម៉ែត្រវាស់សំពត់ស្ត្រី ដែលចូលទស្សនាពិតមែន ខណៈដែល ពួកគេឈរតម្រង់ជួរ ចូលទៅលេងកម្សាន្ត ។ អ្នកគ្រប់គ្រងសួនកម្សាន្តម្នាក់ បាននិយាយថា កម្មវិធីនេះ បានធ្វើឡើងជាប្រចាំ ចាប់តាំងពីឆ្នាំ២០០៧មកម៉្លេះ ហើយក៏ជាកម្មវិធីមួយ ដែលទទួលបានជោគជ័យផងដែរ ។ អ្នកគ្រប់គ្រងរូបនោះ បានបន្ថែមថា កម្មវិធីពិសេសនេះក៏មានគោលបំណងលើកទឹកចិត្តដល់ស្ត្រីដែលបានចូលលេងកម្សាន្ត ឱ្យពួកគេបានបង្ហាញនូវរូបសម្រស់របស់ខ្លួនផងដែរ ។
ទន្ទឹមនឹងនេះ យុទ្ធនាការផ្សព្វផ្សាយលើកទឹកចិត្តឱ្យស្រ្តីទៅកម្សាន្តស្លៀកខ្លីនេះ ក៏ល្បីរន្ធឺតាមអ៊ីនធើរណេតផងដែរ ដោយមានអ្នកខ្លះ បានរិះគន់ថា វាជាទង្វើមិនគប្បីមួយ ដែលធ្វើឱ្យបាត់បង់តម្លៃនៃស្ត្រី ៕
ដោយ ៖ សាម៉ន
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]