ខេត្តកណ្តាល ៖ រថយន្តកាមរីគូទស្វិតមួយគ្រឿងបើកបោះពួយឡើងលើស្រឡាងជ្រុលដាំក្បាលចុះធ្លាក់ចូលទៅក្នុងទឹកទន្លេបាសាក់ កាលពីវេលាម៉ោង១រំលងអធ្រាត្រឈានចូលថ្ងៃទី២៤ កក្កដា នៅត្រង់ចំណុចកំពង់ចម្លង ស្វាយតានី ត្រើយខាងលិច ឃុំស្វាយតានី ស្រុកស្អាង បណ្តាលឱ្យអ្នកបើកបររថយន្តម្នាក់ឈ្លក់ទឹកភ័យស្លន់ស្លោ ប៉ុន្តែចាត់ទុកថា ជាសំណាងណាស់ ដែលមិនគ្រោះថ្នាក់ដល់អាយុជីវិត ។
ប្រភពព័ត៌មានឱ្យដឹងថា មូលហេតុដែលនាំឱ្យរថយន្តបើកធ្លាក់ពីលើស្រឡាងបែបនេះ ដោយសារតែអ្នកបើកបររថយន្តខឹងចាំស្រឡាងយូរពេក លុះពេលស្រឡាងមកដល់ក៏បើកបោះពួយឡើងទាំងកំរោលយ៉ាងលឿនជ្រុលដាំក្បាលរថយន្តធ្លាក់ចូលទៅក្នុងទឹកទន្លេតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
