ខេត្តកំពង់ចាម ៖ បុរសពោះម៉ាយម្នាក់ ឈ្មោះឌឹម ឌៀន អាយុ៦៦ឆ្នាំ រស់នៅភូមិ វាលបំពង់ ឃុំខ្ពបតាងួន ស្រុកស្ទឹងត្រង់ បានសម្រេចចិត្ត ចង.ក ធ្វើអត្តឃាត ដោយប្រើប្រាស់ ខ្សែនីឡុង ទៅនឹងរនូតផ្ទះឈើ របស់កូនស្រី ពិការភ្នែក បណ្តាលឱ្យស្លាប់ មិនមានអ្នកណា ជួយទាន់នោះទេ ដែលហេតុការណ៍នេះ កើតឡើង កាលពីវេលាម៉ោង៦ និង៣០នាទីយប់ ថ្ងៃទី៦ កក្កដា ២០១៥ ។
លោកខេង សុខណា នាយប៉ុស្តិ៍រដ្ឋបាលឃុំខ្ពបតាងួនប្រាប់ឱ្យដឹងថា ប្រពន្ធរបស់បុរសចំណាស់ខាងលើនេះ បានទទួលមរណៈភាពជាច្រើនឆ្នាំមកហើយ ដោយគាត់បានរស់នៅភាពជាបុរសពោះម៉ាយជាមួយនឹងកូនស្រីចិញ្ចឹមពិការភ្នែកនៅភូមិវាលបំពង់ ក្រោយមក ក៏នឹកចង់បានប្រពន្ធ ។
លោកបន្តថា មានអ្នកភូមិម្នាក់ដែលបុរសពោះម៉ាយបានចាប់ចិត្តស្រលាញ់ចង់ធ្វើជាគូអនាគត ដើម្បីកុំឱ្យរស់នៅជាភាពឯកោ តែម្នាក់ឯងទៀតនោះ លុះពេលសួរនាំបំរុងនឹងចូលទៅស្តីដណ្តឹងតាមប្រពៃណី បែរជាខាងស្រីនោះបដិសេធមិនព្រមទទួល ទើប បុរសឈ្មោះឌៀន ហាក់បីដូចជាខូចចិត្ត ក៏ចេះតែដើរចេញពីផ្ទះធ្លាក់ទៅដល់ខេត្តកំពង់ធំ រួចទើបតែចូលផ្ទះបាន១ខែនេះទេ ស្របពេលដែលឃើញកូនមិននៅផ្ទះនោះ ក៏បានយកខ្សែនីឡុងមកចងទៅនឹងរនូតផ្ទះធ្វើអត្តឃាតតែម្តង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
