ខេត្តត្បូងឃ្មុំ ៖ ជនសង្ស័យឈ្មោះ ខន ពន្លក ហៅហូ អាយុ២២ឆ្នាំ មានស្រុកកំណើត នៅភូមិម្រាមទាក ឃុំជីរោទិ៍ទី២ ស្រុកត្បូងឃ្មុំ ធ្វើសកម្មភាពលួច ម៉ូតូធំមួយគ្រឿងម៉ាក CBR ត្រូវកម្លាំង សមត្ថកិច្ចឃាត់ខ្លួន កាលពីវេលាម៉ោង០២ និង៥៥នាទីរសៀល ថ្ងៃទី៣ កក្កដា ២០១៥ ព្រមទាំងដកហូតម៉ូតូធំ បានវិញ បន្ទាប់ពីគេលួចយក ពីកន្លែងផឹកស៊ីមួយកន្លែងក្នុងស្រុកស្នួល ខេត្តក្រចេះ ។
បើតាមការណែនាំរបស់លោកស្នងការនគរបាលខេត្ត បានដាក់កម្លាំងជំនាញ របស់លោកបាន ចុះធ្វើរដ្ឋបាលញឹក ញាប់នៅតាមមូលដ្ឋាន ក៏បានដឹងពីមុខសញ្ញា ចាស់ឈ្មោះ ហូ ចូលមកស្រុកកំណើតវិញ នៅភូមម្រាមទាក ឃុំជីរោទិ៍ទី២ កំពុងតែដើរលេងផឹកស៊ី សប្បាយជាមួយមិត្តភក្តិចាស់ៗ ។
ប្រភពបន្តថា បន្ទាប់មកក៏បានហៅមកសួរនាំនៅប៉ុស្តិ៍រដ្ឋបាលឃុំជីរោទិ៍ទី២ ជាមួយនឹងម៉ូតូធំ១គ្រឿង ហើយត្រូវរូបគេឆ្លើយសារភាពថា ម៉ូតូនេះគឺបានខ្ចីពីមិត្តភក្តិរបស់គេម្នាក់នៅក្រុងសួង បន្ទាប់មកសមត្ថកិច្ចបាននាំទៅរកមិត្តភក្តិ តែមិនឃើញមាននោះទេ ក្រោយមកទៀតបានឆ្លើយថា បានលួចពីឈ្មោះដា ភេទប្រុស អាយុ៣០ឆ្នាំ ជាបើករថយន្តឈ្មួល មានផ្ទះនៅខាងជើងផ្សារស្នួល ខេត្តក្រចេះ កាលពីវេលាម៉ោង៧ព្រឹកថ្ងៃទី១ កក្កដា ២០១៥ កន្លងមក ។
បន្ទាប់ពីលួចបានហើយនោះ ក៏ជិះមកកាន់ក្រុងកំពង់ចាម និងទូរស័ព្ទហៅស្រីស្នេហ៍ពីរាជធានីភ្នំពេញ មកដេកនៅ ផ្ទះ សំណាក់មួយកន្លែង ។ លុះនៅរសៀល ថ្ងៃទី៣ កក្កដា ទើបកម្លាំងសមត្ថកិច្ចឃាត់ខ្លួន ដោយដកហូតបានម៉ូតូធំ១គ្រឿងនាំមក កាន់អធិការដ្ឋាន នគរបាលស្រុកត្បូងឃ្មុំ សួរនាំ ។
លោកវរសេនីយ៍ត្រី ឡុង សារិន អធិការរងនគរបាលស្រុកត្បូងឃ្មុំបញ្ជាក់ថា ជនសង្ស័យខាងលើ ជាមុខសញ្ញាចាស់ស្ថិតនៅក្នុងការ គ្រប់គ្រង់របស់សមត្ថកិច្ច តែជននេះបានគេចចេញពីមូលដ្ឋាន យូរហើយដោយ មិនដឹងជាទៅទីណាឡើយ ។ លុះពេលដែលរូបគេវិល មកចូលស្រុកវិញ មានទាំងម៉ូតូជិះ សំញ៉ែងទៀត ទើបសមត្ថកិច្ចហៅមកសួរនាំ ក៏ធ្លាយរឿងលួចម៉ូតូរបស់គេ ពីក្រៅខេត្ត តែម្តង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
