ខេត្តបាត់ដំបង ៖ បុរសម្នាក់បានកាន់ អង្រែបុកគ្រឿង ដើរទៅវាយលើ បុរសម្នាក់ដែលគេដឹងថា ជាឪពុកមាសាច់ថ្លៃ ខណៈគាត់កំពុងតែ ចុះពីលើផ្ទះដើរ ទៅបត់ជើងតូច បណ្តាលឱ្យបែកក្បាល ស្លាប់ភ្លាមៗនៅនឹងកន្លែង រួចហើយជនបង្កបានដើរចេញពីកន្លែង កើតហេតុបាន២០០ម៉ែត្រ ក៏ជួបបុរសម្នាក់ទៀតហើយ យកអង្រែដដែលនោះ ទៅវាយបុរសម្នាក់ទៀត បណ្តាលឱ្យបែកក្បាល រងរបួសធ្ងន់ ដែលហេតុការណ៍នេះកើតឡើងកាលពីវេលាម៉ោង០៣ និង២០នាទីទៀបភ្លឺថ្ងៃទី០៣ កក្កដា ២០១៥ នេះ ស្ថិតនៅចំណុចភូមិអូរដា ឃុំផ្លូវមាស ស្រុករតនមណ្ឌល ខេត្តបាត់ដំបង ។
ប្រភពបានឱ្យដឹងថា បុរសជាជនដៃដល់ ឈ្មោះនួន ឆិញ អាយុ៣១ឆ្នាំ រីឯជនរងគ្រោះដែល ស្លាប់ឈ្មោះយឹម សារុន ភេទប្រុស អាយុ៤៦ឆ្នាំ និងបុរសរងរបួស បែកក្បាលឈ្មោះ ម៉ូ មូន អាយុ៤៤ឆ្នាំ ពួកគេទាំង៣នាក់មាន ទីលំនៅក្នុងភូមិ-ឃុំកើត ហេតុខាងលើ ។
ប្រភពបន្តថា បន្ទាប់ពីកើតហេតុ បានប៉ុន្មានម៉ោង បុរសជាជនដៃដល់ ត្រូវបានសមត្ថកិច្ចចុះទៅ ឃាត់ខ្លួនបានផងដែរ ។ ជំហានដំបូង គេនៅមិនទាន់ដឹងថា ករណីនេះគឺជារឿងគំនុំ ឬយ៉ាងណានោះទេ ប៉ុន្តែត្រូវបានប្រភពខ្លះ និយាយថា ជនដៃដល់ គឺជាមនុស្សសរសៃប្រសាទ ។ តែទោះបីជាយ៉ាងណា គេនៅមិនទាន់ច្បាស់នៅឡើយ ព្រោះជនដៃដល់កំពុងធ្វើការសួរនាំ នៅអធិការដ្ឋានក្នុង ស្រុករតនមណ្ឌល ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
