ខេត្តកំពង់ស្ពឺ ៖ យុវជនម្នាក់រងរបួសបាក់ឆ្អឹងជំនីរខាងឆ្វេង ខណៈពេលភ្ជួរស្រែច្រឡំដាក់លេខគោយន្តថយក្រោយកិនខ្លួនឯង បណ្តាលឱ្យដួលរងរបួសធ្ងន់ កាលពីវេលាម៉ោង៥និង៣០នាទីល្ងាចថ្ងៃទី២៣ កក្កដា នៅវាលស្រែស្ថិតក្នុងភូមិកំពង់ល្វា ឃុំប៉មាស ស្រុកសំរោងទង ។
ជនរងគ្រោះមានឈ្មោះសៅ សឿន ភេទប្រុស អាយុ២០ឆ្នាំ ជាកសិករ ស្នាក់នៅភូមិកើតហេតុខាងលើ ។ បើតាមឈ្មោះប៉ា សូ អាយុ៦៧ឆ្នាំ ជាជីដូនរបស់ជនរងគ្រោះបានឱ្យដឹងថា មុនពេលកើតហេតុចៅរបស់គាត់ (សៅ សឿន) បានបរគោយន្តយកទៅភ្ជួរស្រែដើម្បីស្ទូងស្រូវ ខណៈកំពុងភ្ជួរ ស្រាប់តែច្រឡំដាក់លេខថយក្រោយ បណ្តាលឱ្យគោយន្តថយកិនខ្លួនឯងចំឆ្អឹងជំនីរខាងឆ្វេង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
