រាជធានីភ្នំពេញ ៖ អ្នកនាង ស្វែង សុជាតា ត្រូវបានប្រិយមិត្តទស្សនិកជនទទួលស្គាល់ថា ជាតារាទឹកភ្នែក និងជាតារាកាចឆ្នាស់ឆ្នើមដែលត្រូវបានគេស្គាល់ និងល្បីល្បាញតាមរយៈខ្សែភាពយន្តខ្នាតធំ និងវីដេអូភាគតាមកញ្ចក់ទូរទស្សន៍នានាចាប់តាំងពីឆ្នាំ២០០០ មកដល់ពេលនេះជាង១០ឆ្នាំ មកហើយ ។ ក្នុងអាជីពសិល្បៈដែលពោរពេញដោយភាពជោគជ័យ ហើយឥឡូវនេះបានក្លាយជាម្ចាស់ភោជនីយដ្ឋាន ៨៨៨៨ នៅខេត្តសៀមរាប ទៀតផង។ នាងស្វែង សុជាតា បានសម្តែងភាពយន្តបានយ៉ាងច្រើនរឿងរហូតរាប់ភ្លេច តែរឿងចុងក្រោយគេ គឺរឿងសង្សារអាប ហើយតាមរយៈរឿងនេះដែរ ក៏លេចឮពាក្យមួយចំនួនរហូតល្បីថា នាងទះកំផ្លៀងតារាប្រុសរួមអាជីពទៀតផង ។
គេនៅចាំបានថា កាលពីពេលថ្មីៗកន្លងទៅនេះ មានលេចរូបថតមួយដែលបង្ហោះតាម Facebook ដែលតារាមេម៉ាយរូបនេះ ថើបបឺតមាត់ជាមួយបុរសពោះម៉ាយ ហើយនាងបង្ហើបប្រាប់ថា បុរសរូបនោះឈ្មោះគង់ សុផារា ជាមន្ត្រីនគរបាលដែលគ្រោងនឹងភ្ជាប់ពាក្យជាមួយគ្នានៅពេលខាងមុខ ។
ឆ្លើយនឹងសំណួរដែលថា នាងស្វែង សុជាតា ទះកំផ្លៀងតារាប្រុសក្នុងរឿងសង្សារអាបដែលជារឿងចុងក្រោយក្នុងឆ្នាំ២០១២ នេះ នាងស្វែង សុជាតា មិនបានបដិសេធនោះទេ នាងឆ្លើយយ៉ាងសឿងបឿងថា បុរសនេះក្មេងសោះចេះនិយាយមួលបង្កាច់នាង ដូច្នេះនាងត្រូវតែព្រមានកុំឱ្យឈ្លើយពេក ។ នេះត្រឹមមួយកំផ្លៀងបើថ្ងៃក្រោយមិនរាងចាលអាចត្រូវ១០កំភ្លៀងផងមិនដឹង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]