អ្នកគួរតែបើកកញ្ចក់ឡាន ឲ្យបាន ពីរទៅបីនាទី ជាមុនសិន មុនពេលអ្នក បើកម៉ាស៊ីនត្រជាក់ ក្រោយពីចូលទៅក្នុងឡានរួច។

យោងតាមការស្រាវជា្រវមួយ ឲ្យដឹងថា តាប្លូឡាន ពូកឡាន និងម៉ាស៊ីនត្រជាក់ក្នុងឡាន អាចបញ្ចេញសារជាតិពុលម្យ៉ាង ដែលបង្កឲ្យមានជម្ងឺមហារីក (សារជាតិពុលចេញក្លិននៃប្លាស្ទិចដែលក្តៅនៅក្នុងឡាន)។ ហើយសារជាតិនោះ មានឈ្មោះថា បង់ហ្សែន (Benzene) ជាសារជាតិពុល ប៉ះពាល់ដល់តម្រងនោម និងថ្លើម។ វាបង្កឲ្យមានហានិភ័យខ្ពស់ ចំពោះជម្ងឺមហារីកឈាម តាមរយ:ការបឺតស្រូបសារជាតិនេះ រយៈពេលយូរ។ មួយវិញទៀត វាក៏អាចមានផលប៉ះពាល់ ដល់ស្ត្រីមានផ្ទៃពោះផងដែរ ករណីធ្ងន់ធ្ងរ អាចនឹងរលូតកូនទៀតផង។ លើសពីនេះទៅទៀត បង់ហ្សែននេះ អាចធ្វើឲ្យឆ្អឹងមានជាតិពុល បង្កឲ្យមានភាពស្លេកស្លាំង (ខ្វះគ្រាប់ឈាមក្រហម) និងកាត់បន្ថយគ្រាប់ឈាមស ជាដើម។

គួរបញ្ជាក់ថា កំរិតសារធាតុ បង់ហ្សែនធម្មតា នៅក្នុងឡាន គឺមាន ៥០ មីលីក្រាម និងអាចកើនឡើង ដល់ ៤០០ ទៅ ៨០០ មីលីក្រាម ចំពោះឡានបិទកញ្ចក់ចតទុកចោល។ ជាងនេះទៅទៀត ប្រសិនបើអ្នកចតឡាន ចោលខាងក្រៅក្នុងសីតុណ្ហភាពក្តៅ លើសពី ៦០អង្សាហ្វារិនហៃ (ស្មើ ១៥អង្សាសេ) កំរិតនៃជាតិពុលនេះ នឹងកើនឡើងដល់ទៅ ៤០ដង លើសកំរិតធម្មតា ពោលគឺ ២០០០ ទៅ ៤០០០ មីលីក្រាម។ ចំពោះអ្នកដែលចូលទៅក្នុង ឡានដែលបិទកញ្ចក់ជិតឈឹង គឺអាចបឺតស្រូប បានយ៉ាងឆាប់រហ័ស នៃចំនួនជាតិពុល ដែលនៅក្នុងនោះតែម្តង។

ដូច្នេះហើយ ទើបអ្នកត្រូវធ្វើការ បើកកញ្ចក់ឡាន របស់អ្នកឲ្យបាន ២ ទៅ ៣ នាទីជាមុនសិន មុននឹងធ្វើការបើក ម៉ាស៊ីនត្រជាក់ ដើម្បីឲ្យជាតិពុល សាយភាយ មកខាងក្រៅសិន៕

រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ