ខេត្តកំពង់ចាម ៖ ម៉ូតូម៉ាកវ៉េវ១គ្រឿង បានបុកគ្នាជាមួយនឹងម៉ូតូSL នៅលើកំណាត់ផ្លូវជាតិលេខ៧ ស្ថិតនៅភូមិបឹងស្នាយ សង្កាត់សំបួរ មាស ក្រុងកំពង់ចាម លាន់ដូចរន្ទះ កាលពីវេលាម៉ោង១២យប់ថ្ងៃទី១៩ កក្កដា បណ្តាលឱ្យរងរបួសធ្ងន់ចំនួន៥នាក់ ដែលសុទ្ធតែជាអ្នកចេញពីផឹកស៊ីនៅក្លិបកម្សាន្តក្រុងកំពង់ចាម ។
លោកស៊ាម យូសេង ប្រធានការិយាល័យចរាចរនៃអធិការដ្ឋាននគរបាលក្រុងកំពង់ចាម បានឱ្យដឹងថា អ្នករងគ្រោះទាំង៥នាក់នោះគឺក្រុមជិះម៉ូតូវ៉េវ៣នាក់ ១-ឈ្មោះស្រ៊ុន ចាន់តេង ភេទប្រុស អាយុ២៩ឆ្នាំ រស់នៅភូមិឡឥដ្ឋ សង្កាត់បឹងកុក ក្រុងកំពង់ចាម របួសបាក់ជើង និងដៃឆ្វេង ២-ឈ្មោះទិត នី ភេទប្រុស អាយុ២៦ឆ្នាំ រស់នៅភូមិថ្មគោល ឃុំរអាង ស្រុកកំពង់សៀម របួសបែកក្បាល ៣-ឈ្មោះឈឿន រ៉ាវុធ ភេទប្រុស អាយុ២៨ឆ្នាំ ជាអ្នកឌុបរស់នៅភូមិពោធិ៍ ឃុំព្រែកក្របៅ ស្រុកកងមាស ឯក្រុមជិះម៉ូតូ SL មានគ្នា២នាក់ ម្នាក់ឈ្មោះ ឡុង ម៉េងលាង ភេទប្រុស អាយុ២០ឆ្នាំ អ្នកឌុប និងម្នាក់ទៀតឈ្មោះភា ភេទប្រុស អាយុ២៣ឆ្នាំ របួសបាក់ជើង រស់នៅភូមិតាមូត ឃុំគ ស្រុកព្រៃឈរ។ អ្នកទាំង៥សុទ្ធតែរបួសធ្ងន់ដូចគ្នា ។
ភាគីខាងម៉ូតូវ៉េវឈ្មោះទិត នី ប្រាប់ឱ្យដឹងថា ពួកគេទាំង៣នាក់បាននាំគ្នាជិះម៉ូតូចូលផឹកស៊ីនៅក្លិបរាត្រីមួយក្បែរទន្លេអុំ ក្នុងក្រុងកំពង់ចាម អស់ស្រាចំនួន៥ថូ រហូតដល់ស្រវឹង លុះពាក់កណ្តាលអធ្រាត្រក៏នាំគ្នាជិះម៉ូតូត្រឡប់ទៅផ្ទះវិញ ក្នុងទិសដៅពីលិចទៅកើតក៏បុកជាមួយម៉ូតូមួយគ្រឿងជិះបញ្ច្រាសទិសគ្នាពេញទំហឹងរបួសរដូករណែលទាំងសងខាង។
លោកស៊ាម យូសេង បញ្ជាក់ថា អ្នករងរបួសធ្ងន់បាក់ជើងជិះម៉ូតូSL ត្រូវបានបញ្ជូនទៅសង្គ្រោះនៅភ្នំពេញទាំងយប់ ចំណែកភាគីជិះម៉ូតូវ៉េវបញ្ជូនទៅសង្គ្រោះនៅគ្លីនិកមួយក្នុងក្រុងកំពង់ចាមនិងបានបញ្ជូនបន្តទៅសង្គ្រោះនៅមន្ទីរពេទ្យបង្អែកខេត្ត៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]