ខេត្តពោធិ៍សាត់ ៖ កាលពីល្ងាចថ្ងៃទី២១ កក្កដា ២០១២ ប៉ូលិសស្រុកភ្នំក្រវាញ បានឃាត់ខ្លួនបុរសម្នាក់ពីបទចាប់រំលោភក្មេងស្រីអាយុ១៣ឆ្នាំ ប៉ុន្តែមិនបានសម្រេចដោយសារអ្នកស្រុកទៅទាន់ ។ ហេតុការណ៍រំលោភសេពសន្ថវៈនេះបានកើតឡើងកាលពីថ្ងៃទី២០ កក្កដា ២០១២ វេលាម៉ោង១និង២០នាទីរសៀលនៅច្រាំងស្ទឹង ស្ថិតក្នុងស្រុកភ្នំក្រវាញ ។
ជនជាប់ចោទដែលប៉ូលិសឃាត់ខ្លួនឈ្មោះស៊ុន រីម ភេទប្រុស អាយុ៣២ឆ្នាំ រីឯក្មេងស្រីរងគ្រោះអាយុ១៣ឆ្នាំ រស់នៅក្នុងស្រុកជាមួយគ្នា ។ ទាក់ទិននឹងករណីនេះក្រុមគ្រួសារក្មេងស្រីរងគ្រោះប្រាប់ឱ្យដឹងថា នៅរសៀលថ្ងៃកើតហេតុក្មេងស្រីរងគ្រោះបានទៅងូតទឹកស្ទឹង ម្នាក់ឯងដែលមានចម្ងាយពីផ្ទះប្រហែល៥០ម៉ែត្រ ដោយនៅទីនោះមានព្រៃដុះតាមច្រាំងស្ទឹងឆ្ងាយពីផ្ទះប្រជាពលរ ដ្ឋរស់នៅ ។ ខណៈពេលកំពុងងូតទឹកក្នុងស្ទឹងម្នាក់ឯង ឈ្មោះស៊ុន រីម (ជនជាប់ចោទ) បានដើរទៅ ឃើញឱកាសល្អក៏ចុះទៅក្នុងទឹកលើកបីនាងមកដាក់លើច្រាំងចាប់ សម្រាតខោចេញរួចធ្វើសកម្មភាពរំលោភតែម្តង។ សំណាងល្អខណៈពេលដែលទើបតែចាប់ផ្តើមបានបន្តិច ស្រាប់តែអ្នកស្រុកទៅទាន់ស្រែកឆោឡោឡើងឈ្មោះស៊ុន រីម នោះក៏រត់ចូលព្រៃបាត់ទៅ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
