រាជធានីភ្នំពេញ ៖ ហេតុការណ៍ភ្ញាក់ផ្អើលយ៉ាងខ្លាំងមួយបានកើតឡើងទាំងកណ្តាល ថ្ងៃត្រង់ បន្ទាប់ពីគេបានឃើញបុរសម្នាក់រត់សម្រុកចេញពីផ្ទះល្វែងមួយ និងស្រែកឱ្យគេជួយ ដោយមានរបួសស្នាមពេញរាងកាយ មិនតែប៉ុណ្ណោះក៏មានស្ត្រី២នាក់ស្រែកចេញពីក្នុងផ្ទះល្វែង នោះឱ្យគេជួយព្រមគ្នាក្នុងពេលនោះដែរ។ ក្រោយពេលមានហេតុការណ៍នេះ គេក៏បាននាំគ្នាចូលទៅមើលនិងសួរនាំទើបដឹងថា ពួកគេគឺជាជនរងគ្រោះត្រូវគេបង្ខាំងទុកនៅក្នុងផ្ទះ ព្រមទាំងធ្វើការវាយដំបង្ខំឱ្យជួញដូរនិងប្រើប្រាស់គ្រឿង ញៀន ព្រមទាំងចាប់រំលោភសេពសន្ថវៈ អស់រយៈពេល៥ថ្ងៃមកហើយ ។
ហេតុការណ៍ភ្ញាក់ផ្អើលនេះបានកើតឡើង កាលពីវេលាម៉ោង១២និង៣០នាទីថ្ងៃត្រង់ថ្ងៃទី២២ ខែ កក្កដា ឆ្នាំ២០១២ នៅក្នុងបុរីរុងរឿង ស្ថិតក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។ ជនរងគ្រោះដែលត្រូវគេបង្ខាំងទុកនៅក្នុងផ្ទះល្វែងបង្ខំ ឱ្យប្រើប្រាស់គ្រឿងញៀននេះមាន ១-ឈ្មោះកៅ ស្រីនាង ភេទស្រី អាយុ២១ឆ្នាំ ២-ឈ្មោះកៅ ស្រីភ័ណ ភេទស្រី អាយុ១៩ឆ្នាំ ៣-ឈ្មោះកៅ សុភី ភេទស្រី អាយុ១៧ឆ្នាំ ទាំង៣នាក់នេះ ជាបងប្អូនបង្កើតនឹងគ្នា មានទីលំនៅភូមិពែងមាសខាងត្បូង ឃុំស្ពឺ ស្រុកចំការលើ ខេត្តកំពង់ចាម ៤-ឈ្មោះឃី ភារី ភេទប្រុស អាយុ២៩ឆ្នាំ មុខរបរជាគ្រូទាយ រងរបួសយ៉ាងដំណំ មានទីលំនៅភូមិអង្គរបានទី២ ឃុំអង្គរបាន ស្រុកកងមាស ខេត្តកំពង់ចាម និង៥-ឈ្មោះប៊ី រ៉ាផុន ភេទប្រុស អាយុ២១ឆ្នាំ រងរបួសយ៉ាងដំណំដូចគ្នា និងមានទីលំនៅក្នុងភូមិជាមួយគ្នានោះដែរ ។
ដោយឡែកក្រុមជនជាប់ចោទបង្ខាំងមនុស្សបង្ខំ ឱ្យជួញដូរ ប្រើប្រាស់គ្រឿងញៀន និងចាប់រំលោភសេពសន្ថវៈត្រូវបានគេស្គាល់១-ឈ្មោះជេត ចន្ធី ភេទប្រុស អាយុ៣០ឆ្នាំ ២-ឈ្មោះក្រូច សាវី ភេទស្រី អាយុ៣០ឆ្នាំ ត្រូវជាប្រពន្ធ ៣-ឈ្មោះក្រូច ប៊ុនធឿន ភេទប្រុស អាយុ៣២ឆ្នាំ ជនទាំង៣នាក់នេះ ជិះរថយន្ត១គ្រឿងម៉ាកCR-V ពណ៌ខៀវ ពាក់ស្លាកលេខភ្នំពេញ 2B-4069 ។ ៤-ឈ្មោះវ៉ាន់ ធី ៥-ឈ្មោះគ្រួច សំអឿន ភេទប្រុស អាយុ៥០ឆ្នាំ ៦-ឈ្មោះជា ថន ភេទស្រី អាយុ៥០ឆ្នាំ ៧-ឈ្មោះគ្រួច សាវី ភេទស្រី អាយុ២២ឆ្នាំ និង៨-ឈ្មោះលី ផល្លា ភេទប្រុស អាយុ២៨ឆ្នាំ ។ ជនទាំង៨នាក់នេះ ត្រូវកម្លាំងប៉ូលិសខណ្ឌពោធិ៍សែនជ័យឃាត់ខ្លួនបានខណៈពួកគេ ខ្លះកំពុងព្យាយាមបើករថយន្តរត់ទៅដល់ភូមិត្រពាំងថ្លឹង សង្កាត់ចោមចៅ និងខ្លះទៀតឃាត់ខ្លួននៅផ្ទះរួមទាំងម្ចាស់ផ្ទះផងដែរ ។
លោកអធិការប៉ូលិសខណ្ឌ ប៊ន សំអាត ថ្លែងថា នេះគឺជាសកម្មភាពបង្ខាំងមនុស្សបង្ខំឱ្យជួញដូរ និងប្រើប្រាស់គ្រឿងញៀន ព្រមទាំងចាប់រំលោភសេពសន្ថវៈយ៉ាងព្រៃផ្សៃ បង្កឡើងដោយមនុស្ស១ក្រុមខាងលើនេះដែលមានរយៈពេល៤ទៅ៥ថ្ងៃមក ហើយ ទើបតែពេលនេះបែកការណ៍ហើយកម្លាំងប៉ូលិសរបស់លោកបានចេញ អន្តរាគមន៍រំដោះជនរងគ្រោះទាំង៥នាក់ ព្រមទាំងឃាត់ខ្លួនជនសង្ស័យ៨នាក់ រួមទាំងម្ចាស់ផ្ទះផងដែរ។
ស្ត្រីរងគ្រោះម្នាក់ក្នុងចំណោម៣នាក់និយាយថា កាលពីថ្ងៃទី១៩ កក្កដា ជនសង្ស័យខាងលើបាននាំបងធម៌របស់នាងឈ្មោះឃី ភារី ដែលជាគ្រូទាយពីខេត្តកំពង់ចាមមកពីរាជធានីភ្នំពេញ ដោយប្រាប់ថានាំទៅដើម្បីឱ្យធ្វើការទស្សន៍ទាយឱ្យពួកគេ ឯពួកនាងក៏បានទៅជាមួយដែរ ហើយជនទាំងនោះបាននាំពួកនាងទៅកាន់ផ្ទះល្វែងក្នុងបុរីរុងរឿង ក្នុងភូមិទួលពង្រនោះ ។ ពេលនាំទៅដល់ពួកគេអត់បានឱ្យទស្សន៍ទាយអ្វីនោះទេ បែរជាបង្ខាំងទុកបង្អត់បាយរួចវាយដំចាប់បង្ខំឱ្យលក់និងប្រើប្រាស់ គ្រឿងញៀនព្រមទាំងចាប់រំលោកភសេពសន្ថវៈទៀតផង ។ ជនរងគ្រោះបានរៀបរាប់ទៀតថា នៅក្នុងរយៈពេល៤ទៅ៥ថ្ងៃនេះ ជនសង្ស័យបានវាយធ្វើបាបពួកនាងជាបន្តបន្ទាប់ ព្រោះខឹងឱ្យជួយលក់គ្រឿងញៀនមិនព្រម លុះដល់ថ្ងៃកើតហេតុខាងលើពួកនាងបានប្រើល្បិចធ្វើជាឈឺបត់ជើង ឯជនទាំងនោះក៏មានការធ្វេសប្រហែសផង ទើបបងធម៌របស់ពួកនាងមានឱកាសរត់ចេញក្រៅទាំងខ្លួនប្រាណមានរបួសរួច ស្រែកឱ្យគេជួយ ហើយសមត្ថកិច្ចប៉ូលិសខណ្ឌពោធិ៍សែនជ័យជួយអន្តរាគមន៍ ។
មន្ត្រីប៉ូលិសនិយាយថា បន្ទាប់ពីរំដោះជនរងគ្រោះក៏ធ្វើការឆែកឆេរឃើញថា នៅផ្ទះល្វែងនោះពោរពេញដោយឧបករណ៍សេពគ្រឿងញៀននិងមានសម្បកថ្នា ំញៀនជាច្រើនទៀតផង។ ពេលនេះកងកម្លាំងកំពុងធ្វើការស្រាវជ្រាវរកភស្តុតាងផ្សេងៗបន្តទៀត ដើម្បីកសាងសំណុំរឿងបញ្ជូនទៅតុលាការ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
