ខេត្តពោធិ៍សាត់ ៖ ខុសគ្នាតែ៥នាទីប៉ុណ្ណោះមនុស្ស២នាក់បានស្លាប់ដោយសារគ្រោះ ថ្នាក់ចរាចរណ៍ក្នុងថ្ងៃតែមួយ គឺថ្ងៃទី២០ កក្កដា ២០១២ លើកំណាត់ផ្លូវជាតិលេខ៥តែកន្លែងផ្សេងគ្នា ។
ករណីទីមួយបានកើតឡើងកាលពីវេលាម៉ោង៧និង ២៥នាទីយប់នៅភូមិស្វាយ.ស ឃុំស្នារអន្សារ ស្រុកក្រគរ ដែលបង្កឡើងដោយរថយន្តបុកអ្នកជិះម៉ូតូស្លាប់ ។ ជនរងគ្រោះឈ្មោះស៊ុយ ឈាង ភេទប្រុស អាយុ៣៥ឆ្នាំ ស្លាប់ និងអ្នករួមដំណើរម្នាក់ទៀតឈ្មោះហៀង ទុំ ភេទប្រុស អាយុ៥៦ឆ្នាំ រងរបួសស្រាល ។ ទាំងពីរនាក់មានទីលំនៅភូមិកំពង់ឡ ឃុំកំពង់ពោរ ស្រុកក្រគរ ។
ដោយឡែកករណីទី២ បានកើតឡើងវេលាម៉ោង៧និង៣០នាទីយប់ នៅភូមិអូរតាប៉ោង ឃុំអូរតាប៉ោង ស្រុកបាកាន ដែលបង្កឡើងដោយម៉ូតូបុកម៉ូតូបណ្តាលឱ្យស្លាប់ម្នាក់ ។ ជនរងគ្រោះឈ្មោះផាត សុភ័ណ ភេទប្រុស អាយុ៣២ឆ្នាំ រស់នៅភូមិ-ឃុំកើតហេតុខាងលើរងរបួសយ៉ាងធ្ងន់ធ្ងរ លុះពេលបញ្ជូនទៅដល់មន្ទីរពេទ្យបង្អែក ស្រុកបាកាន ក៏ស្លាប់បាត់ទៅ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
