រាជធានីភ្នំពេញ ៖ បុរសម្នាក់ពេលចេញពីហូបការហើយបានបបួលមិត្តភក្តិជិះម៉ូតូទៅ ច្រៀងខារ៉ាអូខេបន្ទាយស្រី ខណៈពេលកំពុងបត់ចូលស្រាប់តែមានរថយន្តឡិចស៊ីសមួយគ្រឿងបើកកៀរ បណ្តាលឱ្យដួលសន្លប់មួយសន្ទុះពេលឮមាត់ប្រពន្ធកូនក៏ស្ទុះ ក្រោកភ្លែត ។ ហេតុការណ៍នេះកើតឡើងកាលពីវេលាម៉ោង៨និង៣០នាទីយប់ថ្ងៃទី២១ កក្កដា តាមផ្លូវជាតិលេខ៦ មុខខារ៉ាអូខេបន្ទាយស្រី ស្ថិតក្នុងភូមិដើមគ សង្កាត់ជ្រោយចង្វា ខណ្ឌឫស្សីកែវ ។
ក្រោយពេលកើតហេតុបុរសរងគ្រោះត្រូវបានមិត្ត ភក្តិទូរស័ព្ទប្រាប់ប្រពន្ធកូនដោយស្មានតែរងរបួសធ្ងន់ ព្រោះឃើញដេកសន្លប់ស្តូកស្តឹង ប៉ុន្តែពេលប្រពន្ធកូនមកដល់សួរនាំមិត្តភក្តិពីដំណើររឿងធ្វើ ឱ្យជនរងគ្រោះឮសំឡេងប្រពន្ធ ក៏ស្ទុះងើបភ្លែតហើយនាំប្រពន្ធកូនត្រឡប់ទៅផ្ទះវិញយ៉ាងលឿន ដោយខ្លាចប្រពន្ធស្តីបន្ទោសនៅមុខគេឯង ហើយមិនបានទៅព្យាបាលនៅមន្ទីរពេទ្យទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]