រាជធានីភ្នំពេញ ៖ យុវជន២នាក់បានជិះម៉ូតូវីវ៉ា ពណ៌ខ្មៅ ស៊េរី២០០៦ មួយគ្រឿងចេញពីក្លឹបកម្សាន្តមួយក្នុងគោលបំណងត្រឡប់ទៅផ្ទះវិញ ក៏ត្រូវក្រុមចោរប្រដាប់អាវុធមួយក្រុមមានគ្នា២នាក់ ជិះម៉ូតូឌ្រីមសេ១២៥ ពណ៌ខ្មៅ ស៊េរី២០១២ មួយគ្រឿង ដេញតាមភ្ជង់ប្លន់យកម៉ូតូ ធ្វើឱ្យយុវជនទាំង២នាក់នោះព្យាយាមបើករត់គេចក៏ជ្រុលទៅបុកផើង ផ្កានៅខាងមុខផ្ទះប្រជាពលរដ្ឋពេញទំហឹង បណ្តាលឱ្យយុវជនអ្នកបើកម៉ូតូហោះទៅបុកនឹងស្លាកភូមិ-ឃុំមាន សុវត្ថិភាព ស្លាប់ភ្លាមៗនៅនឹងកន្លែង។ ចំណែកយុវជនម្នាក់ទៀតដែលជិះពីក្រោយរងរបួសធ្ងន់ត្រូវបានរថយន្ត សាមុយដឹកយកទៅសង្គ្រោះបន្ទាន់នៅគ្លីនិកឯកជនមួយ ។ រីឯក្រុមចោរបានរត់គេចបាត់ដោយសុវត្ថិភាព ។
ហេតុការណ៍នេះកើតឡើងកាលពីវេលាម៉ោង២និង១៥ នាទីរំលងអធ្រាត្រឈានចូលថ្ងៃទី២២ កក្កដា ២០១២ ក្បែរប៉ុស្តិ៍នគរបាលទឹកថ្លា តាមបណ្តោយផ្លូវភ្នំពេញ-ហាណូយ ស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
