ខេត្តប៉ៃលិន ៖ គ្រោះថ្នាក់ពស់ចឹក២ករណីក្នុងហេតុការណ៍ដាច់ដោយឡែកពីគ្នាដោយ យុវជននិងយុវនារី២នាក់ត្រូវពស់ពព្លាក់ចឹកចំជើងខាងស្តាំដូច គ្នាដែលម្នាក់ចំមេជើង និងម្នាក់ទៀតត្រូវចំហៀងប្រអប់ជើង ហើយបានបញ្ជូនមកសង្គ្រោះនៅមន្ទីរពេទ្យបង្អែកខេត្ត ។
ករណីទី១ យុវជនម្នាក់ឈ្មោះឯក ភារុន អាយុ២២ឆ្នាំ រស់នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ត្រូវពស់ពព្លាក់ចឹកចំមេជើងខាងស្តាំ ខណៈពេលដើរចេញពីផ្ទះបម្រុងនាំក្មួយអាយុ៣ឆ្នាំឡើងជិះ រថយន្តទៅលេងក្រុងប៉ៃលិន ។ លុះពេលនាំគ្នាដើរចេញពីផ្ទះបានប្រមាណ៣-៤ជំហាន ស្រាប់តែយុវជនរូបនេះដើរជាន់ពស់ចឹកចំជើងជាប់ ពេលបញ្ចាំងភ្លើងពិលមើលឃើញទើបដឹងថាជាពស់ពព្លាក់ក៏យកដំបងមកវាយ ពស់នោះរហូតងាប់ រួចហៅបងប្អូនឱ្យជួយយកខ្សែរុំផ្នែកខាងលើមុខរបួសដើម្បីកុំ ឱ្យពិសជ្រាបចូលដល់បេះដូង ហើយត្រូវរថយន្តបញ្ជូនទៅមន្ទីរពេទ្យបង្អែកខេត្ត ។ ហេតុការណ៍នេះបានកើតឡើងនៅវេលាម៉ោង៨យប់ថ្ងៃទី១៦ កក្កដាក្នុងភូមិ-សង្កាត់ខាងលើ ។
ករណីទី២ យុវនារីឈ្មោះមុត សាម៉ាន អាយុ១៧ឆ្នាំ រស់នៅភូមិអូរខ្ទីង សង្កាត់អូរតាវ៉ៅ ក្រុងប៉ៃលិន បានត្រូវពស់ពព្លាក់ចឹកលើប្រអប់ជើងខាងស្តាំ ខណៈពេលនាងដើរជាមួយមិត្តភក្តិស្រី៣នាក់ទៀតត្រឡប់មកពីទិញ ទៀននៅតូបក្បែរផ្ទះខណៈពេលនាងដើរមុខចំណែកមិត្តភក្តិដើរ ក្រោយ ដោយមានបញ្ចាំងភ្លើងពិលឱ្យនាងមើលផ្លូវផងដែរ ។ ពេលដើរជិតដល់ផ្ទះទៅហើយក៏ជាន់ពស់ពព្លាក់ចឹកចំប្រអប់ ជើងខាងស្តាំបណ្តាលឱ្យឈឺចុកចាប់ ត្រូវបងប្អូនដឹកតាមម៉ូតូយកមកព្យាបាលនៅមន្ទីរពេទ្យបង្អែក ខេត្ត ។ ហេតុការណ៍នេះបានកើតឡើងនៅវេលាម៉ោង៧និង២០នាទីយប់នៅ ថ្ងៃទី១៨ កក្កដា ។
គ្រូពេទ្យបានឱ្យដឹងថា ពស់ពព្លាក់នេះមានពិសដូចពស់វែកដែរ បើពិសរបស់វាជ្រាបចូលទៅដល់បេះដូង អាចស្លាប់ សំណាងហើយដែលបានបញ្ជូនអ្នករងគ្រោះមកព្យាបាលនៅមន្ទីរពេទ្យ បង្អែកទាន់ពេលត្រូវគ្រូពេទ្យចាក់ថ្នាំបន្សាបជាតិពិស និងព្យាបាលរួចផុតពីគ្រោះថា្នក់ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
