ខេត្តកំពង់ឆ្នាំង ៖ ដោយភាពប្រចណ្ឌហួសហេតុពេកបុរសជាប្តីបានកាប់ប្រពន្ធមួយ ពូថៅចំកណ្តាលក្បាលបណ្តាលឱ្យរងរបួសជាទម្ងន់ ហើយត្រូវបានក្រុមគ្រួសារដឹកទៅសង្គ្រោះនៅមណ្ឌលសុខភាពស្រុក ដេរ១៥ថ្នេរ ចំណែកបុរសជាប្តីបានរត់គេចខ្លួនបាត់តែម្តង ។ ហេតុការណ៍នេះបានកើតឡើងកាលពីវេលាម៉ោង៨ព្រឹកថ្ងៃទី១៩ កក្កដា នៅផ្ទះ ក្នុងភូមិជាងហ្លួង ឃុំពន្លៃ ស្រុកបរិបូណ៍ ។
យោងតាមសម្តីស្ត្រីជាប្រពន្ធដែលជាជន រងគ្រោះបាននិយាយថា រូបគាត់មានឈ្មោះឈឹម សូត អាយុ៤០ឆ្នាំ ប្តីមានឈ្មោះឆាយ ឆូយ អាយុ៤១ឆ្នាំ មានកូន២នាក់ ។ ស្ត្រីរូបនោះបានបន្តថា នៅមុនពេលកើតហេតុមួយថ្ងៃរូបគាត់ និងប្តីបានឈ្លោះប្រកែកគ្នា ព្រោះតែរឿងប្តីប្រចណ្ឌនឹងគាត់ ។ ពេលឈ្លោះគ្នានោះប្តីបានគំរាមថា «យប់នេះ អញនឹងកាប់នាងឯងសម្លាប់ចោល» ។ ដោយភ័យខ្លាចប្តីសម្លាប់រូបគាត់បានទៅដេកនៅផ្ទះកូនមួយយប់ លុះព្រឹកឡើងត្រឡប់មកផ្ទះវិញ ក៏ត្រូវប្តីយកពូថៅមកកាប់ចំកណ្តាលក្បាល បណ្តាលឱ្យឈាមហូរស្រោចខ្លួន។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
