ខេត្តកំពង់ឆ្នាំង ៖ សាលាដំបូងខេត្តបានសម្រេចឃុំខ្លួនជនសង្ស័យម្នាក់កាលពីរសៀ លថ្ងៃទី១៩ កក្កដា ២០១២ ក្រោមបទចោទប្រកាន់ធ្វើមនុស្សឃាតកាលពីយប់ថ្ងៃទី៥ កក្កដា នៅត្រង់ចំណុចភូមិកោះខ្ទុំ ឃុំជៀប ស្រុកទឹកផុស ខណៈដែល ជននេះនឹងជនរងគ្រោះត្រឡប់ពីផឹកស៊ីស្រវឹងហើយឈ្លោះគ្នាតាម ផ្លូវ ។
ជនសង្ស័យរូបនោះមានឈ្មោះសាយ ស៊ឺន អាយុ២២ឆ្នាំ មានទីលំនៅភូមិរកាទង ឃុំទួលខ្ពស់ ស្រុកទឹកផុស។ ចំណែកជនរងគ្រោះមានទីលំនៅភូមិ-ឃុំជាមួយគ្នា តែបានទៅស្នាក់នៅភូមិកោះខ្ទុំ ដើម្បីធ្វើឡធ្យូងជាមួយគ្នា ។
នៅ ចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានវាយសម្លាប់មិត្តភក្តិពិតមែន ព្រោះឈ្លោះគ្នាពីរឿងលុយទិញស្រា១លីត្រ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
