ខេត្តពោធិ៍សាត់ ៖ កាលពីថ្ងៃទី១៩ កក្កដា ២០១២ វេលាម៉ោង៥ល្ងាចកងកម្លាំងនគរបាលការិយាល័យប្រឆាំងគ្រឿងញៀនសហ ការជាមួយកម្លាំងនគរបាលព្រហ្មទណ្ឌកម្រិតស្រាល នគរបាលបច្ចេកទេស និងវិទ្យាសាស្ត្រនៃស្នងការដ្ឋាននគរបាលខេត្តបានចាប់ឃាត់ ខ្លួនមុខសញ្ញាចែកចាយ និងប្រើប្រាស់គ្រឿងញៀនចំនួន៥នាក់ ខណៈពេលពួកគេកំពុងធ្វើសកម្មភាពចែកចាយ និងប្រើប្រាស់នៅក្នុងផ្ទះសំណាក់មួយជាប់ផ្លូវជាតិលេខ៥ ស្ថិតនៅក្នុងភូមិពាលញែក១ សង្កាត់ផ្ទះព្រៃ ស្រុកពោធិ៍សាត់ ។
សមត្ថកិច្ចឱ្យដឹងថា មុខសញ្ញាទាំង៥នាក់ ទី១-ឈ្មោះប៊ុត រតនៈ ភេទប្រុស អាយុ២៤ឆ្នាំ រស់នៅខេត្តបាត់ដំបង ទី២-ឈ្មោះអឹុម រដ្ឋា ភេទប្រុស អាយុ២៦ឆ្នាំ រស់នៅស្រុកភ្នំក្រវាញ ទី៣-ឈ្មោះលី លី ភេទស្រី អាយុ១៥ឆ្នាំ រស់នៅរាជធានីភ្នំពេញ ទី៤-ឈ្មោះលី ហាន់ណាហ្វី ភេទប្រុស អាយុ២៧ឆ្នាំ ជាជនជាតិខ្មែរអ៊ិស្លាម រស់នៅស្រុកភ្នំក្រវាញ និងទី៥-ឈ្មោះចាន់ វិចិត្រ ភេទប្រុស អាយុ២១ឆ្នាំ រស់នៅក្រុងពោធិ៍សាត់។ ជាមួយគ្នានេះយើងរឹបអូសបានវត្ថុតាងមានម៉ូតូ១គ្រឿង ម៉ាទឹកកកកញ្ចប់ធំចំនួន៤កញ្ចប់ កញ្ចប់តូច១កញ្ចប់ ដបទឹកសុទ្ធចោះរន្ធដាក់ទុយោចំនួន៤ ដែកកេះ៣ ទូរស័ព្ទដៃ៧គ្រឿង លុយដុល្លារក្លែងក្លាយ១០០ដុល្លារ និងលុយខ្មែរ២២ម៉ឺនរៀល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
