រាជធានីភ្នំពេញ ៖ ម៉ូតូស្គូពី ពណ៌ស មួយគ្រឿង បើកបរដោយយុវជនម្នាក់បញ្ច្រាសផ្លូវ ក្នុងល្បឿនលឿនក៏ជ្រុលទៅបុកជាមួយម៉ូតូឃ្លីក ពណ៌ទឹកក្រូចលាយខ្មៅ ចំពីមុខពេញទំហឹង តែសំណាងល្អគ្មានអ្នករងរបួសធ្ងន់ និងម៉ូតូរងការខូចខាតតិចតួច តែភាគីទាំងសងខាងដោះស្រាយគ្នាមិនត្រូវក៏សម្រេចប្រគល់ឱ្យ ប៉ូលិស ។ ហេតុការណ៍នេះកើតឡើងកាលពីវេលាម៉ោង៧និង៣៥នាទីព្រឹកថ្ងៃទី១៨ កក្កដា តាមបណ្តោយផ្លូវភ្នំពេញ-ហាណូយ សង្កាត់ភ្នំពេញថ្មី ខណ្ឌសែនសុខ ។
យោងតាមសម្តីរបស់លោក ហឿង វឿន នាយរងផ្នែកសណ្តាប់ធ្នាប់ចរាចរខណ្ឌសែនសុខ បានឱ្យដឹងថា មុនពេលកើតហេតុម៉ូតូស្គូពី ពណ៌ស បើកបរដោយយុវជនម្នាក់មិនស្គាល់អត្តសញ្ញាណ បានបើកលឿនហើយបញ្ច្រាសផ្លូវទៀតនោះ ក៏ជ្រុលចង្កូតទៅបុកគ្នាជាមួយម៉ូតូឃ្លីក ពណ៌ទឹកក្រូចលាយខ្មៅមួយគ្រឿង បើកបរដោយនារីម្នាក់មិនស្គាល់អត្តសញ្ញាណដែរចំពីមុខពេញទំហឹង បណ្តាលឱ្យម៉ូតូទាំង២គ្រឿងរងការខូចខាតតិចតួចដូចគ្នា ហើយក៏រងរបួសស្រាលដូចគ្នា។
ភាគីទាំងសងខាងនិយាយដោះស្រាយគ្នាមិនត្រូវ ដោយម្ចាស់ម៉ូតូស្គូពីសុំចេញថ្លៃខូចខាត៨០ដុល្លារ តែម្ចាស់ម៉ូតូឃ្លីកទារ៣០០ដុល្លារ ទើបនិយាយគ្នាមិនត្រូវក៏សម្រេចប្រគល់ឱ្យប៉ូលិសចរាចរខណ្ឌសែន សុខ យកទៅរក្សាទុកនៅអធិការដ្ឋានខណ្ឌរង់ចាំការដោះស្រាយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
