រាជធានីភ្នំពេញ ៖ រថយន្តធុនធំមួយគ្រឿងម៉ាកហ៊ីយ៉ាន់ដាយ ដឹកម្សៅមីបានបុកប៉ុស្តិ៍យាមឃ្លាំងសាំងសូគីម៉ិចពេញទំហឹង បណ្តាលឱ្យបាក់ខ្ទេចដល់ដីកាលពីវេលាម៉ោង១០និង៣០នាទីព្រឹក ថ្ងៃទី១៩ កក្កដា ស្ថិតក្នុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ ។ ឯរថយុន្តស្រុញខ្ទេចផ្នែកខាងមុខផងដែរ តែមិនបង្កឱ្យមានមនុស្សគ្រោះថ្នាក់ធ្ងន់ធ្ងរទេ គ្រាន់តែរលាត់ដៃជើងតិចតួច ។ អ្នកបើកបរឈ្មោះស៊ុន លីម អាយុ៣២ឆ្នាំ និងព្រូ២នាក់ទៀតមិនស្គាល់ឈ្មោះ។
អ្នកបើកបរបានឱ្យដឹងថា រថយន្តរបស់ខ្លួនបានបើកបរតាមបណ្តោយផ្លូវជាតិលេខ៥ ពីខេត្តប៉ៃលិនមកភ្នំពេញ ដោយផ្ទុកម្សៅមីពេញ ពេលមកដល់កន្លែងកើតហេតុចំណុចផ្លូវកែងបានវាក់នឹងរថយន្តមួយ គ្រឿងខាងមុខក៏បួងចង្កូតគេចជាន់ហ្វ្រាំងអត់ស៊ីក៏ជ្រុលទៅបុក ប៉ុស្តិ៍យាមនៅចិញ្ចើមផ្លូវមុខឃ្លាំងសាំងសូគីម៉ិច បណ្តាលឱ្យបាក់ខ្ទេចរាបដល់ដី ឯរថយន្តស្រុញផ្នែកខាងមុខខូចខាតយ៉ាងដំណំ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]