រាជធានីភ្នំពេញ ៖ រថយន្តកូរ៉ូឡា ពណ៌ខ្មៅ បើកដោយបុរសម្នាក់តាមបណ្តោយមហាវិថីសហព័ន្ធរុស្ស៊ី ហើយបត់ចូលផ្លូវលេខ២៥៩ ស្រាប់តែមានរថយន្តម៉ាក Prush បើកចេញពីផ្លូវលេខ២៥៩ ឡើងមកផ្លូវសហព័ន្ធរុស្ស៊ី ធ្វើឱ្យរថយន្តកូរ៉ូឡាជាន់ហ្វ្រាំងតែបែរជាច្រឡំជាន់ហ្គែក៏ ជ្រុលទៅបុករថយន្ត Prush ពេញទំហឹងរួចបន្តទៅបុករះរថយន្តឡិចស៊ីស RX300 និងរថយន្តស្តារិចដែលចតនៅលើចិញ្ចើមផ្លូវ បណ្តាលឱ្យរងការខូចខាតដូចគ្នា កាលពីវេលាម៉ោង៩និង៤០នាទីព្រឹកថ្ងៃទី១៩ កក្កដា ២០១២ ស្ថិតក្នុងសង្កាត់ទឹកល្អក់១ ខណ្ឌទួលគោក ។
ម្ចាស់រថយន្តបង្កគឺឈ្មោះបាន រ៉ាដូ ភេទប្រុស អាយុ២៦ឆ្នាំ ជាជាងកាត់សក់ ស្នាក់នៅសង្កាត់ចោមចៅ ខណ្ឌពោធិ៍សែនជ័យ ។ ក្រោយពីកើតហេតុខាងម្ចាស់រថយន្តរងគ្រោះទាំង៣បានទាមទារសំណង ម្នាក់២០០ដុល្លារជាការបញ្ចប់សាច់រឿង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
