រាជធានីភ្នំពេញ ៖ បុរស និងស្ត្រី៣នាក់បានរងរបួសយ៉ាងធ្ងន់ធ្ងរដោយសារជិះម៉ូតូជ្រុល ទៅបុកម៉ូតូសណ្តោងរ៉ឺម៉កដឹកទឹកកក១គ្រឿង កំពុងបើកបរឆ្លងផ្លូវពេញទំហឹង កាលពីវេលាម៉ោង១០និង៣៥នាទីព្រឹកថ្ងៃទី១៨ កក្កដា ២០១២ នៅលើកំណាត់ផ្លូវជាតិលេខ៣ ត្រង់ចំណុចភូមិក្រាំងដូនទៃ សង្កាត់ចោមចៅ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា នៅមុនពេលកើតហេតុគេឃើញម៉ូតូឌ្រីមសេ១២៥ ស៊េរី២០១១ ពណ៌ខ្មៅ ជិះគ្នា៣នាក់បើកបរក្នុងទិសដៅពីត្បូងទៅជើង រីឯម៉ូតូរ៉ឺម៉កដឹកទឹកកកអនាម័យបើកបរពីទិសខាងជើងឆ្ពោះទៅ ត្បូងបញ្ច្រាសទិសគ្នា ។ លុះទៅដល់ត្រង់ចំណុចកើតហេតុម៉ូតូរ៉ឺម៉កដឹកទឹកកកបានបត់ឆ្លង ផ្លូវទៅខាងឆ្វេងដៃធ្វើឱ្យម៉ូតូឌ្រីមសេ១២៥ ស៊េរី២០១១ ជាន់ហ្វ្រាំងមិនទាន់ក៏ជ្រុលទៅបុកពេញទំហឹង បណ្តាលឱ្យបុរសអ្នកបើកបរម៉ូតូនោះ និងស្ត្រីម្នាក់របួសបាក់ជើង ឯម្នាក់ទៀតដែលជិះជាមួយរងរបួសធ្ងន់ដែរ ។ ដោយឡែកអ្នកបើកបរម៉ូតូរ៉ឺម៉កដឹកទឹកកកអត់របួសនោះឡើយ។ ក្រោយពេលកើតហេតុជនរងគ្រោះត្រូវបានគេបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ ហើយម៉ូតូទាំងពីរគ្រឿងនេះត្រូវប៉ូលិសនាំយកទៅរក្សាទុករង់ ចាំការដោះស្រាយគ្នាតាមផ្លូវច្បាប់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
